ماذا قال تركى آل الشيخ لـ عمرو أديب بعد ترشيحه لتقديم برنامج "الحكاية"؟
قال عمرو أديب، أنه يفصل بين مشاعره الشخصية وعمله ببرامج التوك شو، متابعًا: "لو فيه خبر ضاع من برنامجي بيبقي فيه قطع رقاب، في برنامجي أنا بتنافس مع شريف عامر وبتنافس مع نفسي وأي حد في القناة اللى بشتغل فيها والقنوات الأخري، ومينفعش فيه خبر يفلت أو يعدي مني".
وأضاف خلال حديثه بقناة "إم بي سي مصر" مع الإعلامية ياسمين عز على هامش الاحتفال بالذكري الثلاثين لتأسيس “mbc”: "المستشار تركي آل الشيخ قالي وأنا رايح MBC لازم تطول رقبتي".
وتابع: "يوم ما تركي آل الشيخ رشحني قاللى طول رقبتي، وأنا كل لما اقابله اسأله انا طولت رقبتك؟طب عايز مني ايه؟، ودى مسئولية ولازم اعمل كل حاجة بشكل كويس خاصة إننا عندنا جمهور لا يرحم".