فيفى عبده: "مابعملش حاجة فى الحرام.. واتجوزت عرفى ٤ مرات"
السبت 18/سبتمبر/2021 - 12:01 ص
أميرة عبد الهادى
قالت فيفي عبده: "الزواج والطلاق نصيب وهو قضاء وقدر، وأنا ست ما بعملش حاجة بالحرام واللي يمسك إيدي أتجوزه، وماشية بشرع ربنا، وأنا ما اتجوزتش إلا 5 مرات ومش حقيقي إني اتجوزت 8 مرات".
وأضافت خلال لقائها ببرنامج “السيرة” المذاع على قناة “دي إم سي”: "كل زيجاتي كانت عرفي وأنا ما بتجوزش واحد إلا لما أعرفه، وأول جوازة ما كانتش عرفي كانت شرعي وما كانش عايز يطلقني، ومن يومها قلت مش هتجوز إلا عرفي علشان لو حبيت أنفصل يبقى الموضوع سهل".
وتابعت: "الجوازة الأولى كانت مدتها شهور وآخر جوازة هي اللي طولت معايا، وكان عمري 16 سنة وقتها، وخلفت كان سني 25 سنة، وعرفت أوفق بين شغلي وأمي وأولادي".
وأردفت: "مهنة الرقص صعبة وكان لازم أكون متجوزة علشان ما حدش يطلع عليا شائعات مش كويسة، وكان عليا طلبات كتير للزواج، ومعملتش أفراح في أي زيجة، وما كنتش زوجة تانية خالص".
ولفتت: "ما بحبش أقول أسماء أزواجي والماضي مش مهم في حياتي لأنه انتهى، وبفكر في المستقبل، وأقصر زيجة كانت عمرها شهور وأقل من سنة ونص".
