هند صبرى: "ناس قريبين منى كسرونى.. وخاصمت والدى بعد انفصاله عن أمى"

قالت الفنانة هند صبري: "لما خلفت اتنين فهمت أن الحب ما بيتقسمش ولكني لما كنت طفلة كنت رافضة تمامًا أي حد يشاركني حب وحنان الأب والأم حتى بعد انفصالهما".

وتابعت هند صبري خلال لقائها ببرنامج “السيرة” الذي تقدمه الإعلامي وفاء الكيلاني بقناة “دي إم سي”: "خاصمت بابا بعد انفصاله عن أمي ولكنه لما وحشني روحت له باريس وعلاقتي بيه دلوقتِ خاصة جدًّا خاصة إن احنا الاتنين برج العقرب وفينا حتة الفلسفة وهو صديق، ولما اتقابلنا بعد فترة غياب لم أبكِ وهو أيضا لم يبكِ".

وأضافت: "حسيت بحزن شديد بعد انفصال أبويا عن أمي وسفره الي فرنسا، ولما اتقابلنا بعد كده قلت له وحشتني ولم ألومه على قرار انفصاله عن أمي".

واستطردت: "أنا شخصية عصبية وشخص بيشيل الهم ومسؤول، وعملت من ألمي ووجعي في حاجات سجادة حلوة وكبرت وأنا مش من النوع اللي بيستسلم، وفيه ناس قريبة مني كسروني وكنت بقول لربنا يصبرني ويعطيني القوة".