هالة صدقى عن طلبها فى بيت الطاعة: أنا موافقة جدا.. بس فين شقة الزوجية؟
الإثنين 31/مايو/2021 - 11:03 م
اميرة عبدالهادي
علقت الفنانة هالة صدقي، على تلقيها إنذارا بالطاعة من زوجها سامح سامي.
وقالت "صدقي"، خلال مداخلة هاتفية ببرنامج "حضرة المواطن" على قناة الحدث اليوم،: "أنا موافقة جدا على الطاعة ومش معترضة، بس شقة الزوجية كانت إيه؟ دي شقتي اللي أنا إتجوزت فيها وخلفت فيها وعشت فيها، واللي هو سافر وسابنا منها، والعنوان اللي كاتبه عنوان شقة أبوه".
وأوضحت أن المسألة ليست حالتها الشخصية، متابعة: "بالنسبالي الموضوع قلب كوميدي. وسيبك من موضوعي أنا الشخصي، إحنا بنتكلم على قوانين تهين المرأة، أكيد في آلاف أو ملايين الحالات زي حالتي لكن أصواتهم مش بتوصل، وأكيد في ستات كتير بيتعرضوا للمواقف دي، القوانين دي حقيقي كلها في صف الرجل وتهين المرأة وتجرحها بشكل أو بآخر".
