بعد وفاة الطيار.. عمرو أديب لـ محمد رمضان: "ربنا يجعل كل دعاء الناس النهاردة من نصيبك"

ووجه "أديب"، خلال برنامج "الحكاية" المذاع عبر منصة "شاهد"، رسالة إلى محمد رمضان ساخرا، قائلا: "يا محمد إنت لازم يكون ضميرك مستريح، مش لازم تكون مضايق خالص، مش عارف الناس عايزة منك إيه.. إنت حتى كنت بتاخد بالك من الراجل، وبطبطب عليه، ولما عرفت أنه اتقهر وراح المستشفى كنت بتسأل عليه".

وأضاف: "ما أنت راجل وطول عمرك راجل وبتاخد بالك من الناس، ما إنت جدع، وصاحب صاحبك، إنت اخدت دعوات يا بني في الأيام المفترجة دي ربنا يجعلها من نصيبك.. مصر كلها لما شافت الخبر ده رفعت ايديها وقالت يارب محمد رمضان، وبكرة هتشوف".

وتابع، "وإنت أكيد شايف النجاح الضخم ده اللي انت فيه"، مستطردا: "هى الناس بتشتمك ليه حاجة غريبة، بس ربنا مش هيسيبك، عشان الخير اللي عملته مع الطيار والشاب بتاع الإعلان.. ربك كبير وهى قبضة واحدة، وصورة الطيار هتفضل تطاردك"، مضيفا: "إنت النهاردة تريند 1 و2 بس جواهم إيه، خليك فاكر اللي حصل النهاردة، الناس فالبلد مش هبلة، وبتعرف الحقيقة".

واستطرد، "وخد كلامي يا محمد واعملي بيه فيديو.. الله يرحم أبو اليسر، ويرحم حاجات تانية، ويرحم جهدك اللي بعرق جبينك فاكر يا محمد".