هاجر أحمد: كنت برمى ملابس التمثيل من البلكونة بسبب أهلى
الثلاثاء 20/أبريل/2021 - 11:23 م
جهاد محمود
قالت الفنانة هاجر أحمد، انها تحب الكتابة جدا وطوال الوقت مهتمة بأن أتابع كل الأفلام المسلسلات من الثقافات المختلفة عننا مثل الافلام من باكستان و ماليزيا وافغانستان، وايضا بحب الأفلام الغريبة والتاريخية.
وتابعت "هاجر "، بإذاعة الشرق الأوسط، أنها لم تتخذ قرار أنها تنشر كتابتها، و ان معظم كتابتها قصص و روايات .
و تابعت أن أكثر الأشياء التى تشعرها بالسعادة على السوشيال ميديا هى تعليقات الفانز ، و لم بكون زعلانه او متضايقه باخد عربيتى واروح مكان أقعد فيه لوحدى و أشوف تعليقات الفانز اللى بتخرجنى من مود الزعل ده بسرعة و اقعد ارد عليهم ، و من اكثر الاشياء اللى بتألمنى على السوشيال ميديا الجرائم و تعذيب الأطفال و تعذيب الحيونات.
واشارت الى انها من الحاجات اللى بتضحكها اوى اخواتها وخناقتهم مع بعض كل واحدة فيهم متزوجة و ليها دماغ وافكار مختلفة ، فلما بيتجمعوا يقلبو الدنيا ، و اكثر شيئ بكرهه انى ابقى فى شغل او اى مكان وشخص يجيب سيرة حد امامى ، و اصعب موقف مر عليا فى حياتى هو وفاة والدى ، و من المواقف الحلوه الكتير فى حياتى هى كل لحظه كنت بمضى فيها عقد عمل جديد بيسيب لى ذكره حلوه و بقعد اتكلم عنها.
وأضافت هاجر أن أهلها فى بداية الأمر رفضوا أنها تمثل ، وكنت بروح اعمل ادوار من وراهم ، وكنت ارمى هدومى من البلكونة على الأرض و شنطة الهدوم علشان محدش ياخد باله منى و انزل اجمع الهدوم تانى و اخد تاكسى واروح التصوير ، و لما يجى ميعاد عودة للمنزل اقول ليهم انا خلاص لازم امشي.
واشارت هاجر إلى أنها عادة ما تحكي أسرارها بنسبة ٣٠ ٪ فقط و باسورد حياتها مع امها ، ووجهت رسالة لجمهورها "كل سنة و انتم طيبين و فى ظهرى دائما".
