ننشر كلمات أغنية "فاكرنى يا حب" لعمرو دياب
السبت 26/ديسمبر/2020 - 12:52 ص
أميرة عزالدين
طرح الهضبة عمرو دياب، برومو أغنية "فاكرني يا حب" عبر قناته على موقع "يوتيوب"، من ألبومه الجديد "يا أنا يا لأ" والذي صدر مساء اليوم الجمعة من خلال إحدى شركات الاتصالات وعبر تطبيق أنغامي.
وعلم "وشوشة"، كلمات الأغنية قبل طرحها وتقول :" أهو ده اللى كنت خايف منه .. وعمرى الخوف ما يرد قدر، عفريت الحب عليا حضر وده قلبته سم وياما غدر، تاجر غشيم وتجارته قمار .. يابتكسب دٌبل يا تروح هدر".
فاكرني يا حب.. أنا زبونك السُقع المضمون.. كان قلبي هنا عندك مرهون.. واديتني من الصنف المجنون.. أبو العُقد والذي منه.. فاكرني يا حب.. أيوه اللي غفلته عليك نور.. ورجعتلك بعدها مقهور.. وخدت غيره وبعد شهور.. طلع اللي بعده أسخم منه".
"اكرمنى ياحب المرادى .. ماتشدش منى رف الماضى متحطتليش فوق جرحى حجر .. بتخُم ياحب أولها كله بيبقى تمام بس العيوب بتبان قدام .. فجأة كده بتحصل قفلة .. دى عيوب صناعة مش استخدام .. بتخٌم ياحب على العموم غلطة وتتداوى بدل الخير مش جر عداوة انا عايز احب.. اغطس واقب واطلع بقى بحاجة نقاوة .. اكرمنى ياحب وحياة أبوك .. وهجيب صحابى ينفعوك .. وفوق وخلى عندك نظر".
"فاكرني يا حب" من كلمات: صابر كمال، ألحان وليد سعد، وتوزيع أحمد عادل، ويضم ألبوم "يا أنا يا لأ" 12 أغنية، وهي: "يا أنا يا لأ، محسود، شكراً، عايز أعمل زيك، طبل، بتهزر، فاكرني يا حب، وأنا معاك، يادلعوا، من العشم، محسود (Remix)، الجو جميل".