رانيا يوسف: "الناس شايفة حياة المشاهير من برة بس"
الأحد 18/أكتوبر/2020 - 10:47 م
أميرة عبد الهادي
أعربت الفنانة رانيا يوسف عن حبها الشديد لنهر النيل، معقبة: "أنا لو بأكل سميطه ودقه وأنا بتمشى على كورنيش النيل هتكون أجمل خروجة في الدنيا".
وأضافت "يوسف"، خلال لقائها ببرنامج "مساء dmc"، المُذاع عبر فضائية "dmc"، أنها شخصية رومانسية للغاية لكنها تسعى أن تكون شخصية واقعية، متابعة: "الدنيا صعب تعيشي فيها برومانسية، وصعب تتعاملي مع ناس طول الوقت تمثل لهم الماديات والمصالح والاستغلال رقم واحد في حياتهم، صعب التعامل معهم برومانسية، لأن في النهاية تكتشفي أنك مستغلة طول الوقت".
وتابعت:"إحنا كمشاهير، الناس شايفانا من برة لابسين كويس وشكلنا حلو، وميعرفوش إحنا بنشتغل أد إيه، محدش شايف المجهود، لكنهم شايفين النتيجة".
وأردفت: "بحاول أفصل مشاعري عن حياتي، اعتزلت الناس شوية، وبقيت مقلة في معارفي، بقيت بخاف اتعرف على ناس جديدة، لأني اتوجعت واستغليت".