تامر حسنى يتدخل فى صلح زوجين على الهواء: "ارجع بقى يا أبو علاء متصغرنيش"
أرسلت إحدى معجبات النجم تامر حسنى طلبا منه أثناء لقائه الإعلامية شيرين حمدى على هامش حفله بمسرح الصوت الضوء، أن يتدخل فى حل الخلاف بينها وبين زوجها الذى يدعى "أبو علاء"، قائلة: "من وقت الحظر وزوجى اتخانق معى ومشى وسابلنا البيت وأنا عارفة إنى غلطانة ونفسى أصالحه وهو اسمه أبو علاء، وأكيد بيشوفك دلوقتى لأنه من عشاقك، وياريت تهدى له أغنية وتقولى إن دى منى".
وبالفعل لبى النجم تامر حسنى طلبها، وقال: "يا أبو علاء يا عسل خلاص المسامح كريم وهى عارفة إنها غلطانة وأنت لازم تسامحها لأنها بتصالحك قدام كل الناس، ولازم ترجع يا أبو علاء أنا تدخلت خلاص متصغرنيش"، وأهدى له أغنية "ارجعلى".