بسبب "الهضبة".. محمد سامى يتعرض للهجوم من جمهور تامر حسنى
الأربعاء 13/مايو/2020 - 09:47 م
منار بدر الدين
تعرض المخرج محمد سامي لهجوم شديد بعدما أثنى على نصيحة الفنان عمرو دياب له وشكره.
ورد "سامي" على هذا الهجوم قائلا: "انا معرفش ليه جمهور تامر حسني زعلان مني وقاعدين يشتموني علي كومنت كتبته علي عمرو دياب وبيفكروني بأفضال تامر واني هو اللي قدمني واللجان شغاله وانا عارف مين اللي بيكتب، مع اني أنا مش محتاج تفكرني قصدي تفكروني، انا دايما بشكر في تامر وتامر خطوه مهمه جدا في حياتي وقصرلي السكه كتير وضافلي ووشه كان خير عليا وبقول ده طول الوقت في البرامج و لكن مش معني اني اشكر في قيمه وقامه زي عمرو دياب انك قصدي انكم تشتمني قصدي تشتموني".
وأضاف: "حتي لو سألتو تامر نفسو هيقولكوا عيب ، عشان دي مش اخلاق تامر انا أكتر واحد عارفه وعارف أخلاقه، وكمان مش هينفع تكتبو اللي بتكتبوه بتاع معملتش حاجه الا أدم والكلام ده لأني ده ينفع مع حد صغير عنده عمل ولا اتنين ولا تلاته و تامر نفسه في مداخلات في برامج قال غير كده خالص، رأي الفنان مش حكر علي حد ولا رد الجميل هو التقليل من القامات الكبيره زي عمرو دياب، وياريت تعرف قصدي تعرفو اني شتيمة لجان ألكترونيه ليا في التوقيت ده بالذات في وسط وهج عمل يشغل الوطن العربي بأهمية البرنس ، لن يضيف لكم بالعكس ممكن يزعل الناس من جمهور نجم محبوب بقيمة النجم تامر حسني".
جدير بالذكر أنه يعرض للمخرج محمد سامي هذا الموسم الرمضاني مسلسل" البرنس" وهو بطولة محمد رمضان، نور اللبنانية، عبدالعزيز مخيون، أحمد زاهر، روجينا، نجلاء بدر، إدوارد، دنيا عبدالعزيز، سلوى عثمان، ريم سامى، أحلام الجريتلى، أحمد داش، تأليف وإخراج محمد سامي، إنتاج سينرجى.
