رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري
ads
ads

فنانون يردون على منتقدي وجود مسلسلات رمضان ٢٠٢٠

وشوشة
وشوشة
هاجم بعض الجماهير، استكمال تصوير مسلسلات رمضان هذا العام، مشيرين إلى إنه ليس من المنطق إغلاق المساجد بسبب الإجراءات الوقائية لڤيروس كورونا المستجد، في حين أن الفنانين يستكملون تصوير مسلسلاتهم في نفس الشهر،وفي هذا السياق رد على هذه الانتقادات بعض من نجوم الفن ومنهم:

عمرو محمود ياسين
وقال عمرو في الفيديو "لما سألت مين بيروح شغل كل يوم رد ناس كتير، وقالوا انهم منتظمين بالشغل كل يوم، مسألة التمثيل والممثلين بالنسبالي في غاية الغرابة، أولا لما حد بيقابل فنان بيحبه مبسوطين بيه وفرحانين بيه، وينزلوا يتفرجوا على فيلم في السينما بيجيب إيرادات رهيبة، وفي رمضان الناس تقعد تتفرج على المسلسلات ويحللوا".

وتابع "مش هتكلم عن إن الفن شيء قيم ومحترم، وشكّل وجدانت شعوب عبر التاريخ، ده خارج إطار النقاش بتاعي اللي مش شايف كده هو حر"، مضيفًا "قبل ما تبدأ أزمة كورونا بدأنا مسلسلات، أنا عندي مسلسل (نحب تاني ليه) صورنا وقطعنا مشوار كبير، حصلت المشكلة نعمل ايه يا جماعة، قالوا اللي فاضله شغل قليل يكمل وكل واحد بيروح أكيد بيروح خايف ومتوتر وقلقان، بس عنده التزام المسألة مش مسألة فلوس مش كل الناس معاهم ملايين، اللي بياخدوا دول عددهم قليل جدا مش النسبة العظمى من اللي شغالين في الفن".

واستكمل عمرو "في المسلسلات فيه عامل يومية كل عمل فني فيه 400 أو 500 عامل وعندهم أسر، المسلسل مش ممثلين بس، لو مسلسلي وقف هيكون عندي مشكلة مادية، وفي النهاية الرزق بتاع ربنا، يجي ويروح ده بتاع ربنا، اوعوا تفتكروا أن أنا أو غيري حاطين زكايب في بيتي، ساعات بتزنق جدا وبروح أخد قروض".

وردًا على شعار "خليك في البيت"، الذي يردده الممثلين في الفيديوهات، بينما يستمرون هم في النزول للعمل، قال: "لها علاقة بما كان يحدث قبل الحظر بخروج الناس تتفسح وعلى القهاوي، اللي ينفع يمارس شغله بالبيت يتفضل يعمل كده محدش فينا يعرف يمثل وهو قاعد في البيت".

وأضاف: "زعلت من كابتن أحمد حسن"، في إشارة إلى رده على ممثلة أكدت للجمهور أن مواقع التصوير يتم تعقيمها كل يوم، فقال حسن: "طب ما نروح نصلي عندكم"، وعلق عمرو: "الكابتن أحمد حسن عايز يقلل من قيمة الفن أنا لو فكرت بنفس المنطق هقولك ينفع تبقوا 22 راجل بتجروا ورا كورة جلد، طبعا لا يمكن هقول كده أنا عارف أد إيه الكورة رياضة مهمة، والفن مهم ومؤثر اللي مش عارف قيمة الفن دي مشكلته".

رانيا محمود ياسين
وكتبت شقيقته رانيا محمود ياسين عبر "فيسبوك": "في هجوم على الفنانين انهم بيقولوا خليكم في البيت وهما بينزلوا يكملوا مسلسلات رمضان، أولا ده اسمه التزام والفنان مفيش في ايده حاجة غير إنه يلتزم طالما الجهة المنتجة طالبة منه إنه يكمل في اعمال تعدت اكثر من نصفها ولازم تخلص".

وأضافت:" أنا لو عندي عمل بيتصور قبل الكورونا والإنتاج عايز يكمله علشان خراب بيت، والتعاقدات بتاعة المسلسل اللي هو البيع خارجي والعاملين اللي داخل عليهم رمضان محتاجين برضه فلوسهم، فلازم اضطر اكمل وأنا خايفة ورزقي على الله ده مش ذنب الممثل خالص، إللي هو الوحيد ميقدرش يلبس كمامة وهو بيمثل، ولا جوانتي ولا ينفع ما يلمسش سطح حواليه وهو بيمثل المشهد، كله ممكن يعمل ده إلا هو لذلك بيضطر ينزل يلتزم لكن لو اتقالوا العمل هيخلص بعد رمضان أكيد هيبقى أحسن بالنسباله ، لأن يا روح ما بعدك روح".

وأضافت "أنا مثلا يعني اتعرض عليا مسلسل بعد أزمه كورونا اعتذرت طبعا بس لو كنت بكمل مسلسل واتقالي انزلي هنزل طبعا مفيش في إيدي حاجة اعملها غير الالتزام أرجوكم ارحموا الفنانين من كل هجوم في أي أزمة في الكون".

فراس سعيد
ونشر فراس سعيد عبر حسابه صورة لمسجد فارغ وأسفله صورة من كواليس مسلسل "البرنس" للنجم محمد رمضان وصورة من كواليس "ضد مجهول".  
وكتب معلقاً: "صباح الخير جميعا.. آسف اني بكلمكم عن حاجة بسيطة.. بس الموضوع محيرني ومش فاهمة، الصورة دي بقالها يومين بتلف الانترنيت.. ناس كتير كاتبة ان في زمن أتقفل فيه الجوامع والمساجد الناس دي لسه بتصور". 
واستكمل "و طبعا ناس بتدعي علينا بأننا نمرض.. وناس شايفه ان ده أستهتار وجري وراء الفلوس.. غير كلام جارح كتير مالهوش لازمة.. اولا.. لا اعلم لو صوره الزميل محمد رمضان دي من امتى.. بس الصوره الثانيه الي متشيره دي من تصوير مسلسل ضد مجهول يعني من اكتر من سنتين.. وانا عن نفسي واقف تصوير وفالبيت داخل على ٣ اسابيع".