أحمد مالك عن أزمة "كورونا": "اتمني الخسارة تكون خفيفة علينا"
الإثنين 30/مارس/2020 - 06:25 م
علياء أحمد
عبر الفنان أحمد مالك ،عن شعوره فى الفترة العصيبه التى يمر بها العالم، بعد انتشار فيروس كورونا و ما تبع ذلك من تداعيات، و ذلك من من خلال تعليق له على حسابه على موقع "إنستجرام".
و قال "مالك" :"كنت ناوي اكتب حاجة فيها هزار عن الفلوس و الحالة المادية، بس لاحظت اني مش في أزمة قوية زي ناس فعلا حياتها ممكن تكون في خطر بسبب الوضع الحالي.. بعدين فكرت في الوضع الحالي... انا حاسس ان معنديش حاجة اقولها او اعملها، و مش قادر حتي اقول لنفسي اعمل اية.. حاسس اني تايه و متلخبط بس حاسس اني مش لوحدي و ده شعور غريب بشكل حلو".
وأضاف" حاسس اني عاوز افضل ساكت و اتفرج.. مش عاوز اجري، مش عاوز اخد كورس اونلاين، مش عاوز اعمل اي تحدي، مش عارف عاوز او مفروض اعمل اية..انا بعترف اني مش فاهم حاجة.. عارف ان كلامي ممكن يميل للضلمة بس حاسس ان دي مش مشكلة و مش مفروض تخوفني.. حاسس ان دي مرحلة نادرة الانسانية بتعدي بيها وكلنا جزء منها".
و ختم قائلاً" العالم في حالة صمت، صمت له صوت انا مستغرب ومستمتع بقوته.. انا معنديش حاجة مضطر اعملها او اقولها غير اني أتأمل اللحظة دي و الاقي نفسي وسطيها.. مش عارف لو العالم هيتغير او لا بعد اللي بيحصل، بس اكيد هنفهم حاجة جديدة و حتي لو مفهمناش اكيد هنحس... اتمني الخسارة تكون خفيفة علينا و متحمس لليوم اللي هنحتفل بمرور كل ده".
