زكى فطين عبدالوهاب: "المهرجانات تُعبر عن العشوئيات بصدق.. ورأيى فى أغانى عمرو دياب مش إهانه

أوضح الفنان زكي فطين عبدالوهاب، عن سبب هجومه على أغاني الفنان عمرو دياب، وسبب حبه لأغاني المهرجانات، وذلك من خلال حسابه الرسمي بموقع التواصل الإجتماعي "فيسبوك".

وكتب "عبدالوهاب": "أغانى المهرجانات.. بتعجبنى لآن اللحن والايقاع فيها catchy وفيها مواضيع غير قصص الحب وعذاب الحب.. وكأن مفيش حاجه نتكلم عنها غير الحب.. بس لازم نعرف انها اغانى اوفن مالوش علاقه بالطرب وده مش عيب.. زى ما الناس بتحكم عليهم.. نجوم المهرجانات وبقول نجوم مش مطربى".

وأضاف "المهرجانات بيعبروا عن واقع العشوئيات بتلقائيه وصدق.. مش اكتر.. زى ما عدويه غنى السح الدح انبوه، واتهاجم وقتها بشراسه.. ورأيى فى أغانى عمرو دياب ده مش إهانه ده مجرد رأى.. انا شيلت البوست لآن من حقك تختلف معايا أو انك ترى انى ممثل فاشل.. ده حقك.. لكن الشتيمه مش من حقك".

و كان قد تلقى زكي فطين عبدالوهاب، هجوم بعد من أن انتقد النجم عمرو دياب، قائلاً: "أنا عارف إن فيه ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة.. بمناسبة إيه.. أغانيه وألحانه وكلمات أغانيه هي هي من ٢٠ سنة، ده إفلاس فني ما بعده إفلاس، أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر".