بعد انتهاء "نصيبي وقسمتك٣".. عمرو محمود ياسين يكشف أسراراً جديدة عن كواليس التصوير
الأربعاء 06/نوفمبر/2019 - 05:55 م
رضوى فاروق
كشف السيناريست عمرو محمود ياسين، عن كواليس تحضير وتصوير الجزء الثالث من مسلسل "نصيبي وقسمتك"، و ذلك عبر حسابه الشخصي على موقع فيسبوك.
و كتب "ياسين"، قائلاً: "لازم تعرفوا يا جماعه اننا و لظروف خارجة عن ارادتنا كنا بنضطر نكتب ع الهوا و نجهز ديكور و ملابس ع الهوا و نصور ع الهوا و نحط برامج عمل ع الهوا و كل خطوه تقريبا بنعملها غير مدروسة مسبقا ... و مش متفكر فيها".
و تابع حديثه: "اعترف ان ٧٠ في المية من السكريبت اللي كتبته للقصص لم تتح لي الفرصة في مراجعته او تجويده لضيق الوقت .. و ان الفنانين اللي معانا لم تتح لهم ايضا فرص الاعاده و التجويد".
و استكمل: "و ان السادة المخرجين ومدير التصوير و الديكور و الملابس كانوا بيشتغلوا في ظروف غاية في الصعوبة... وإن ادارة الإنتاج كانت طول الوقت بتعمل ليل نهار لتلبية طلبات الجميع.. و بالرغم من كل ده... نجحنا الحمد لله".
وأضاف عن سبب النجاح: "والسبب هو الاخلاص و التفاني من الجميع ..بلا استثناء الجنود المجهوله كثر ..من اخراج و انتاج و ملابس و تصوير و ديكور ... كم الناس اللي تعبت غير عادي حتى شباب البوفيه الكل كان يعمل مواصلا الليل بالنهار بصورة غير طبيعيه أتمنى نكون نجحنا".
و اختتم حديثه، قائلا: "النهارده نهاية الحكاية العاشره... شكر كبير جدا جدا للجمهور الرائع اللي حقيقي بكل تعليق او لايك كان دايما بمثابة دفعة قوية لينا كلنا خصوصا في الأوقات الصعبه.. شكر خاص لمتابعين صفحاتي ع سوشيال ميديا انا بحبكم جدا جدا.. شكرا لاسرتي وللناس القريبة اوي مني..اللي استحملوني الفتره اللي فاتت.. واخيرا شكرا للمنتج المحترم احمد عبدالعاطي وكامل والمنتج الكبير تامر مرسي و شركة Synergy العملاقه.. والي اللقاء".
