"أنت الفخر".. نجوم الفن يدعمون محمد صلاح بعد أزمته مع اتحاد الكرة

أعلن عدد كبير من نجوم الفن دعمهم الكامل لنجم منتخب مصر وليفربول محمد صلاح، بعد أزمته الأخيرة مع اتحاد كرة القدم المصري، عقب نشر نتائج التصويت الخاصة بأفضل لاعب في العالم لعام 2019، وظهر فيها عدم تصويت ممثلي مصر له.

أحمد السعدني

انتقد الفنان أحمد السعدني ما حدث لمحمد صلاح كاتبًا عبر حسابه على Twitter: موضوع صلاح ده بجد محبط ومقرف سواء حدث عن طريق السهو أو متعمد زي ما قال الأخ دانيال ده مش مجبر اختار صلاح لأ حضرتك احنا اللي مش مجبرين إنك تمثلنا اصلاً جتها نيله اللي عايزه خلف.. كلمة أخيره لصلاح اسم بلدك لازم يرجع ينور التويتر بتاعك تاني".

حسن الرداد

هاجم الفنان حسن الرداد الممثل الإعلامي لمصر في التصويت للجائزة والذي لم يعطي صوته لصلاح، كاتبًا عبر حسابه على Twitter: "في صحفي كدة ماعرفش حاجة عنه ومش عايز اعرف، كان بيصوت فى جائزة #the_best، وحضرته اختار مانيه ثم رونالدو وأخيرا محمد صلاح، عايز اعرف أنت مصري ازاى عشان ماتختارش ابن بلدك اللى هو مكسر الدنيا، ده مصرى زيه زيك يا جهبز، مش عارف دى نفسنه ولا ايه.. ماتزعلش يا صلاح".

نبيل الحلفاوي

الفنان نبيل الحلفاوي برر رد فعل صلاح في التعبير عن ضيقه، كاتبًا عبر Twitter: "محمد صلاح معذورفي التعبيرعن ضيقه بحذفه لصفته كلاعب في المنتخب من الـBio.. وإن كنت أرى أن Bio أي لاعب يكفي فيه الإشارة لناديه لأنها الصفة الأكيدة إلى حين الانتقال لناد آخر.. أما كونه في المنتخب فهو احتمال إلى أن ترسل قائمة المنتخب رسميا.. صلاح معذور لأن عدم إرسال التصويت هو قطعا مقصود".

رامي جمال

دعم الفنان رامي جمال، اللاعب محمد صلاح، مبررًا حقه في الغضب لما تعرض له، كاتبًا: "أنت الفخر وأنت معنى الطموح وأنت الأمل موصلتش غير بمجهودك محدش دعمك غير أهلك ورغم كده وصلت ما شاء الله قلوب كتير من العالم بقت معاك وأغلب المصريين معاك اعمل لنفسك ولبلدك ومتستناش رد.. العشم بيزعل وحقك تزعل بس مفيش وقت غير للنجاح ربنا معاك".

أحمد الشامي

بينما أعاد محمد الشامي عضو فريق واما صورة الرسالة التي نشرها محمد صلاح وعلق عليها قائلاً: "محتاجيين نتعالج اقسم بالله.. معلش يا صلاح حقك علينا".