بشرى تتحدث عن آخر لقاء جمعها بعزت أبو عوف

و قالت بشرى  "مين ما يحبكش يا عزت؟! مفيش حد.. أطيب قلب وأكرم الناس واشيك الفنانين إللى عرفتهم مصر شياكة جوهر و مظهر وروح... رغم إن الحزن كبير و دفين الا انى عايزة افتكرك كدة وانت مبتسم و شقى و متفائل وجواك طفل عمره ما كبر... وداعا يا صاحب المقام الرفيع، يا حبيبى و يا صديقى و يا ابنى ويا اخويا ويا ابويا ويا استاذى".

و تابعت" ياما جمعتنا أعمال فنية بس الاهم ان الأيام جمعتنا على احزان و افراح و احداث كتيرة محفورة فى الذاكرة و صعب تتنسى..مش هنسى فرحتك بيا لما شوفتنى و ابتسامتك رغم الآلام و الاجهزة من حواليك فى كل مكان فى المستشفى و مكنتش اعرف انها اخر مرة هشوفك فيها وان ده كان الوداع.. حزنى أكبر انى مش هودعك لاخر مرة و انى مش جنبك دلوقتى بسبب السفر والشغل بس انت اكتر واحد عارف قد ايه شغلتنا عزابها عزابين و مرها مرين... فراقك صعب يا عزت وهتسيب فينا جرح لن يلتئم ابدا... الواحد مش عارف يعزى مين ولا مين لان الحقيقة اننا كلنا ناخد عزاك يا غالى.. البقاء لله ولا اله الا الله و العزاء للاسرة و الاهل و الاصدقاء و للمصريين أجمعين".