5 أسباب تدفع الرجل لخيانة زبيده ثروت.. في الأفلام "حمادة" والحقيقة "حمادة تاني خالص"

لما تبقى متجوز واحدة زي زبيدة ثروت وتقرر تخونها مع أعز صديقاتها، اللي هي سعاد حسني، يبقى أكيد في حاجه غلط، ورغم إن الراجل اللي عمل كده هو "رشدي أباظه" في فيلم "الحب الضائع" ودي حاجة ممكن نبلعها علشان الكلام اللى قالته "الشحرورة" عنه في كل لقاء اتعمل معاها ، إلا أن ده مايمنعش إننا نستغرب برضو، دي زبيدة ثروت يا جدع، ازاي المخرج الكبير هنري بركات جاله قلب وهو بيعمل "الكاستنج" بتاع الفيلم إنه يخلي زبيدة ثروت تتخان في فيلم ألوان مش أبيض وأسود كمان؟!

والأنقح من كده هو سبب الخيانة المتمثل فى "حمادة" ابن رشدي أباظة وزبيدة ثروت اللى خد اهتمام أمه لدرجة إنها أهملت جوزها وكانت النتيجة إنه بص لبره وقرر يخونها مع أنتيمتها "سعاد حسني".. وطبعاً اللى حصل ده واللى شوفناه فى الفيلم "حمادة" واللي بيحصل فى الحقيقة "حمادة تاني خالص".. وده اللي استفزني أقولكم بحكم تجارب أصحابي وزمايلي في الشغل ومن وجهة نظري عن 5 أسباب تخلي أي راجل ممكن يخون "زبيدة ثروت".

1-    لما تكون متجوز واحدة فى جمال ورقة "زبيدة ثروت" وعلشان مستواك المادي والاجتماعي كويس جدا، فتلاقيها بتطلب منك تجيبلها خدامة زي اللى عند "سوزي" بنت طنط "اعتماد" لكن هي قررت إنها "تعلي" على سوزي وبدل ما تجيب خدامة فلبينية أو أفريقية تلاقيها داخلة عليك البيت بخدامة "لاتينية" من اللى بتشوفهم فى إكس إن إكس إكس، حاجة كدة big فى كل حاجة، وبعدين تلاقيها تاني يوم بتقولك "حبيبي أنا رايحة النادي أقابل صحابي" وتقفل الباب وتسيبك لوحدك مع "القنبلة البشرية" اللى جابتها، وتبتدي تسترجع مشاهد من ذكريات ثانوي اللى كنت بيبقى معاك فيها الشريط وبتدور ع الفيديو وأخيرا تلاقيه، تفتكري يا هانم جوزك مطلوب منه ايه؟! ها، أيوه، بالظبط هو اللي إنتي بتفكري فيه ده هو اللي زمانه بيحصل في البيت.

2-    لما تكون متجوز واحدة مهتمة بنفسها زي "زبيدة ثروت" في فيلم الحب الضائع، وتلاقيها رايحة جاية قدامك في البيت وهي عاملة زي الطاووس المنفوش فى موسم التزاوج، وكل شوية تعايرك وتقولك "أنا كل الشباب فى الجامعة كانوا هايتجننوا عليا"، "إنت كل الناس بتحسدك إنك متجوزني"، "أنا كنت ملكة جمال الساحل 3 سنين متتالية"، ساعتها الشيطان يلعب بدماغك وتقرر إنك تنتقم منها بطريقة "دلال الشمال".

فتبتدي تدور فى كراكيبك عن شريحتك القديمة اللى غيرتها أول ما اتجوزت، وبعد رحلة بحث طويلة تبتسم ابتسامة شيطانية وإنت ماسك فى إيدك ماضيك الأسود المتمثل فى شريحة التليفون القديمة، وتبتدي تدور فى الأرقام لحد ماتوصل لهدفك.. "دلال الشمال".

3-    لما حبيبتك تكون عينيها زرقاء وشعرها ملون زي زبيدة ثروت لكن لسانها طوله مترين وعليها تكشيرة ولا أحلام فى أراب إيدول، ومفيش على لسانها غير "إنت فين، مابتردش ليه، إنت بتخوني يا صلاح"، ساعتها بتشوف أي معزة معدية جنبك ولا مارلين مونرو في زمانها، وتبدأ تراود المعزة عن نفسها لحد ما توصل لغرضك الدنئ وتحس ساعتها إنك ولا أنور وجدي فى أمير الانتقام.

4-    لما تكون حبيبتك قبل الجواز نسخة طبق الأصل من زبيدة ثروت فى عزها وفجأة وبعد الجواز بكام شهر تدخل البيت تلاقي نفسك قدام كائن أسطوري مخيف انقرض من زمان ودخل آلة الزمن وظهر في مطبخ بيتك، في البداية بتفتكر نفسك في كابوس لحد ما تستوعب واحدة واحدة إن اللى قدامك ده مش كرعون بتاع سلاحف النينجا لكنها مراتك بتطبخ أكلة جديدة شافتها فى برنامج الشيف عيلاء، وأول ما تقرب منها علشان تسلم عليها تلاقي مزيج من الغازات المسيلة للدموع خارجة من كل حتة فيها والمصيبة الأكبر هي تسريحة شعرها اللولبية اللي بتجسد لوحة تجريدية مضمونها هو "صراع الثعابين ومين هايغلب مين"، ساعتها بتدخل جري على أوضتك وتقفل الباب وراك وإنت بتحاول تنسى المشهد المخيف اللى شوفته من شوية وتطلع موبايل وتدور فى قايمة أصدقائك عن أي أنثى ينتهى اسمها بتاء مربوطة علشان تنسيك المأساة اللى إنت فيها.

5-    في بقى نوع من الستات زي القمر وأحلى كمان من زبيدة ثروت، وتلاقي الواحدة منهم مهتمة بنفسها وبجمالها ومخلية البيت جنة، وأول ما جوزها يوصل البيت تعمله الغدا اللى عمره ما أكل أحلى منه، وبعد المقدمات الرومانسية الكتيرة دي ييجي جوزها يقولها تعالي عايز أقولك حاجة مهمة فى أوضة النوم، تلاقيها فجأة تحولت للست الخضرا اللى بتطلع فى اعلانات ماونتن فيو، وتبتدي الأسطوانة المشروخة تشتغل، "يا أخي خلي عندك احساس، شايفني طالع عيني طول اليوم ومخليالك البيت ولا الفنادق السبع نجوم، وإنت بدل ما تقولي أدخلي ارتاحي مفيش في دماغك إلا الحاجات القذرة دي.

وطبعا الراجل يتنح وهو بيقولها "قذرة!.. هو ايه اللى قذرة.. هو أنا جايبك من شارع الهرم، إنتي مراتي"، تقوم ترد عليه وتقوله "أنا تعبانة وعايزة أنام، تصبح على خير".. وطبعا لو الحكاية دي بتحصل يوم أو يومين أو حتى أسبوع كان الراجل استحمل لكنه بيكتشف إن الحاجات دي هي آخر حاجة ممكن تفكر فيها مراته وساعتها طبعا بيتصل بصاحبه علشان ياخد منه رقم "دلال الشمال".