منى هلا تدعم النساء والممثلات بعد التنمر على أجسادهن: سيبوا كل واحدة في حالها

أعلنت الفنانة منى هلا، تضامنها الكامل ودعمها لكل النساء والممثلات اللاتي تعرضن للتنمر على أجسادهن الفترة الماضية. 

نشرت "هلا" عبر حسابها الرسمي على موقع "إنستجرام" صورة لها وعلقت كاتبة: "متضامنة مع كل زميلاتي النساء والممثلات اللى الناس اتريقت على شكلهم وأجسامهم الفترة اللى فاتت".

تابعت: "سيبوا الستات وأشكالهم وأجسامهم في حالها وسيبوا كل واحدة براحتها، اللي عاوزة تتخن أو تخس، تلبس اللي على كيفها، تسيب تجاعيدها، تحقن بوتكسها، تحلق حواجبها، سيبوا كل واحدة في حالها كفاية تنظير وتريقة وتنميط كفاية".

واختتمت رسالتها بنصيحة قالت فيها: "استحموا والبسوا بيجامات عليها قطط وغيروا ملايات السرير وحطوا كريم ريحته حلوة واشربوا ليمون بالكمون حلو وبيهدى الأعصاب وناموا كويس وخلوا نفسيتكم حلوة يمكن تسلكوا كده وتبطلوا تنظير وتريقة على الخلق وشكرا". 

كانت منى هلا، قد نشرت مؤخرا صورا لها على الشاطيء وعلقت عليها موجه الشكر لكل من ساندها في الحياة: "على مشارف الـ 42.. السنة دي كانت فيها تحديات كتير ومشاكل أكتر، ناس كتير كملت معايا الرحلة وأثبتوا إنهم أهل للثقة وناس تانية خرجتها من حياتي.. شكرا لكل اللي دعمني وساندني وكان سبب إني أكمل، شكرا لعائلتي الجميلة ودعمها الدائم ليا وشكرا لكل صحابي اللي زي أخواتي وأكتر على دعمكم ومكالماتكم ليا كل يوم ودعمي نفسيا".

أضافت: "بحاول اتبسط بالحاجات البسيطة الجميلة في الحياة زي الطبيعة والبحر والشمس والجبل والحيوانات الصغيرة اللي بحاول أساعدها أو إني حتى أسمع لصديق محتاج يتكلم.. أنا مكملة بيكم وعشانكم ولكل الستات والبنات ما تسيبيش حقك أبدا وأعرفي أنه بدفاعك عن نفسك أنتي بتحمى وبتدعمي كل نساء العالم مش نفسك بس وبتمنعي الأذى النفسي والبدني أنه يحصل لست أو بنت تانية".