كارولين عزمي: رفضت التعاقد على أعمال جديدة لهذا السبب
كشفت الفنانة كارولين عزمي عن سعادتها بالمشاركة في فيلم «محمود التاني»، مؤكدة أن العمل كان بمثابة فرصة كانت تنتظرها منذ فترة، خاصة أنه جمعها بعدد كبير من أبناء جيلها.
وقالت كارولين عزمي على هامش العرض الخاص للفيلم: «كنت عايزة أشتغل مع جيلي، وده اللي حمسني جدًا، وكمان وجود المؤلف إياد صالح و المخرج عبدالعزيز النجار، وكل تفاصيل العمل شجعتني أوافق من أول ما اتعرض عليا.»
وأضافت: «أنا شايفة إن إحنا جيل مهم جدًا، وجيل قوي وقدر يثبت نفسه، وكنت حابة أشتغل مع أبناء جيلي، والحمد لله الفرصة جات في (محمود التاني).»
وعن ردود الفعل على الفيلم و حجم الإيرادات خاصة في ظل المنافسة الشديدة في دور العرض السينمائي و وجود أكثر من فيلم ، أوضحت: «إحنا مش مركزين في ردود الفعل، لأن كل واحد فينا عمل اللي عليه واجتهد، وفي النهاية التوفيق من عند ربنا، وإن شاء الله العمل يعجب الجمهور.»
كما كشفت كارولين عزمي عن موقفها من أعمالها المقبلة، قائلة: «اتعرض عليا أكتر من عمل، لكن لحد دلوقتي ملتزمة الصمت وممضتش على أي حاجة، لأني مستنية أشوف ردود الفعل، وكمان في احتمال يكون في فيلم تاني، ولازم أعرف هقدر أوفق بين التزاماتي ولا لأ.»، و أضافت :" لو هعمل فيلم تاني صعب أكون متواجدة في رمضان "
وتحدثت أيضًا عن عشقها للمسرح، مؤكدة أنه من أصعب الفنون، وقالت: «المسرح من أصعب الحاجات لأنه بيكون فيه مواجهة مباشرة مع الجمهور، وعشان كده أول ما جالي مسرحية الساحل الشريروافقت على طول ، خاصة إني كنت في معهد فنون مسرحية و حسيت ان المسرح بيناديني »
ويشارك في بطولة فيلم «محمود التاني» كل من أحمد بحر "كزبرة"، وأحمد غزي، وكارولين عزمي، وجنا الأشقر، وتامر هجرس، وهو من تأليف إياد صالح، وإخراج عبدالعزيز النجار.