بعد تصريحات تامر عبد المنعم.. مصطفى حدوتة يرد: نجحت قبل عمرو دياب ومش عايز أبقى أحمد شوقي

رد الشاعر الغنائي مصطفى حدوتة على تصريحات الفنان تامر عبد المنعم وذلك من خلال مقطع فيديو نشره عبر حسابه الرسمي على موقع إنستجرام، مؤكدًا أنه يعتز بمشواره الفني، وأن نجاحه لم يبدأ مع تعاونه مع عمرو دياب، بل سبقه بسنوات.

https://www.instagram.com/reel/DbVz2GeogI0/?igsh=NW9rODhlbzZqNTk3

وقال مصطفى حدوتة في الفيديو:"الأستاذ تامر عبد المنعم طلع قال عني إني عشان اشتغلت مع عمرو دياب افتكرت نفسي أحمد شوقي، وأنا لا فاكر نفسي أحمد شوقي ولا عايز أبقى أحمد شوقي، أنا فاكر نفسي مصطفى حدوتة، وعايز أفضل مصطفى حدوتة، وعمري ما هكون عايز أبقى حد غير نفسي".

وأضاف مصطفى حدوتة أن الوصول إلى التعاون مع عمرو دياب ليس أمرًا سهلًا، موضحًا: “الوصول لعمرو دياب صعب جدًا، وأنا الحمد لله كنت ناجح قبل ما أشتغل معاه، ونجحت معاه، ولسه بنجح معاه، وكمان ناجح مع فنانين كتير غيره”.

مصطفى حدوتة يوجه رسالة مباشرة لتامر عبد المنعم

كما وجه مصطفى حدوتة رسالة مباشرة إلى تامر عبد المنعم، قائلًا إنه لا ينتقص من تجربته الفنية، مضيفًا:"أنا مقدرش أقول لحضرتك إنك منجحتش غير لما قلدت عمرو دياب، مع إن ناس كتير عارفة ده، لكن مش هنتقص من دورك، لأن تجسيد شخصية حد تاني مش حاجة سهلة، ودي موهبة تستحق التقدير".

واختتم مصطفى حدوتة حديثه مؤكدًا أن دعم نجاح الآخرين هو الأهم، قائلًا:"كان المفروض تقول برافو ومبروك، لأن أي حد بيتعب ويجتهد ويشتغل على نفسه يستحق التشجيع، لكن للأسف كلمة مبروك أوقات بتكون أصعب كلمة ناس كتير تقولها، رغم إنها كانت هتكون أوفر من كل الكلام اللي اتقال".