ياسمين عز تسخر من إصابة أحمد فتوح: "عندنا أزمة تغذية في المنتخب"
قالت الإعلامية ياسمين عز: «فتوح اتصاب في الخلفية وعندي إحساس إنه بيفطر سجاير وشاي والغداء كشري في عيش»، مضيفة: «يا خوفي على ولادنا عندنا أزمة تغذية في المنتخب، وولادنا مفيش أوسم ولا أشطر منهم ولازم نغذيهم».
وأضافت، خلال تقديمها برنامج «كلام الناس» المذاع عبر شاشة MBC مصر: «هما أحسن من هالاند اللي شبه التتار وبياكل بيض تنين.. ده واكل طن ونص سمك لوحده ولحمة أجمل حتة في العجل.. بلاش جو لاقيني ولا تغديني ده».
لا يفوتك
وتابعت ياسمين عز: «طبعًا فريق فتوح أكتر حد مستفيد من الإصابة علشان هياخد تعويض»، قبل أن تعلق على ردود فعل الجماهير قائلة: «الجمهور لو عليه هيبعت ناس تخطف المهدي سليمان ويطلبوا فيدية».
