ياسمين عز تدافع عن محمد صلاح وتهاجم إجراءات أمريكا: "يعني إيه تتفتشوا 11 ساعة؟"
علقت الإعلامية ياسمين عز على ما تردد بشأن خضوع بعثة المنتخب الوطني لإجراءات تفتيش مطولة في الولايات المتحدة، قائلة: «جرى إيه يا أمريكا.. محدش قادر عليكم؟ أومال لو بتنافسوا على كأس العالم كنتوا حبستوا ميسي وإمبابي وكريستيانو ورحلتوا مو صلاح».
وأضافت: «يعني إيه منتخبات تتفتش 11 ساعة؟ في إيه؟ هما مش مقدمين على شغل في البيت الأبيض».
دفاع عن محمد صلاح وتعليق على زي المنتخب
كما دافعت عن محمد صلاح بشأن الجدل الذي أثير حول ارتدائه القبعة، قائلة: «هو واقف على السلم والشمس في قفاه، وهو متربي بره ومعندوش شمس، وراح أمريكا حر زمهرير، وهو قالبه علشان قفاه، ولما اتقاله اقلعه علشان نتصور معملش كده زي ما أنت بتقول حاضر».
وأضافت: «هو بيحفظ هالته.. عنده حبل أفكار وبنات أفكار وبيكبس على أفكاره علشان محدش يسرق منه فكرة.. ياريت متعملش قصة من مفيش».
واختتمت حديثها بتعليق ساخر على زي المنتخب، قائلة: «كان في بنطلون مشلوح بس مش مهم.. قمر.. هنعمل إيه لازم نقضي باللي معانا، علشان واحد زي فتوح طوله 2 متر ونص هتجيبله بنطلون منين».
