أمير المصري: عمر الشريف قالي علشان تنجح في المجال ده لازم تكون محظوظ

كشف الفنان أمير المصري، عن بداياته في عالم التمثيل، والتي انطلقت من لقاء مع النجم العالمي الراحل عمر الشريف، قائلا:  «أنا الأول اتعرفت عليه علشان كنت بمثل في المسرح وعملت شكسبير ووهو كان عمل نفس الدور وبالصدفه اتعرف على والدي في اجتماع ووالدي عرفني عليه.. ووقتها قعدت معاه في الفندق تقريبا ساعتين نتكلم عن المسرح والتمثيل وقالي علشان تنجح زيي لازم تكون محظوظ».

وأضاف، خلال استضافته في بودكاست فايق ورايق مع الإعلامي إبراهيم فايق: «وكمان نصحني إني أصنع حظي لأن المجال ده مهما كنت أشطر واحد فيه مش شرط تكون أنجح واحد لازم تتعلم تعمل حظك».

وأردف: «أنا كنت في فرنسا وكان في عرض خاص لفيلم حسن ومرقص في فرنسا والنجم عمر الشريف مكانش عايز يروح وقالي روح مكاني.. وروحت بالعربية اللي كانت المفروض توديه وكل المصورين منتظرين عمر الشريف وأول ما شافوني قالوا مين ده أصلا وأنا اتكسفت أقعد على الكرسي بتاعه طبعا».