أمير المصري يكشف بداياته في العمل بهوليوود

كشف الفنان أمير المصري، عن رحلته في التمثيل في هوليوود، قائلا: «هناك غصب عنك بتتحط في قالب عربي اللاجئ أو الإرهابي.. وأنا اكتشفت إنك لازم تحط نفسك في صندوق أو نمط معين لحد ما تاخد الفرصة إنك تخرج من النمط ده».

وأضاف، خلال استضافته في بودكاست «فايق ورايق» مع الإعلامي إبراهيم فايق: «أنا بدأت لما دخلت معهد تمثيل هناك وفي واحدة قالتلي إن في مخرج هيجي علشان يوشف ناس لفيلم وقالتلي أسجل حاجة والمخرج شافها وبعدين طلب يقابلني.. وقالي ألبس شورت علشان الجو حر في الأردن وهنصور كمان شهر».

وأشار إلى أنه قدم فيلم ROSE WATER، معتبر هذا الفيلم فتح له أبواب كثيرة في الأدوار العالمية، مضيفا: «الدور ده فتحلي أبواب كتير وجابلي مدير أعمال».

وتابع: «السيدة اللي ادتني فرصة الفيلم ده اقتنعت بيا جدا وابتلي فرص تانية.. وقالتلي أنا عارفة إن تقدم دور عربي ملهوش تاريخ في الأحداث وظاهر يقوم بمهمة ده شيئ ممل لكن ده هيعرف الناس بيك».

ولفت إلى أنه رفض أدوار كثيرة ضد أخلاقة، مشيرا إلى أن رفض ممثل مبتدئ لأدوار في هوليوود شيئ صعب للغاية.

وأضاف أنه قدم عدة أدوار أخرى في هوليوود على مدار عمله لمدة 10 سنوات، أبرزهم STAR WARS، لافتا إلى أن طريقة اختيار الفنانين المشاركين في هذا العمل مختلفة للغاية، قائلا: «الشركة كلمتني وقالتلي متقولش لحد خالص ولا حتى مدير أعمالك إحنا عايزنك ف دور في STAR WARS».