تامر أمين يشيد بتنظيم وداع هاني شاكر: جنازة تليق باسمه وباسم مصر
أشاد الإعلامي تامر أمين بمشهد جنازة الفنان الراحل هاني شاكر، مؤكدًا أنها خرجت بصورة راقية ومميزة، قائلاً: «دي أكثر جنازة من فترة طويلة جدا جدا تطلع بالشياكة دي والذوق والاحترام والتنظيم ده».
تليق باسم هاني شاكر ومصر
وأضاف، خلال حلقة اليوم من برنامج «آخر النهار» المذاع عبر شاشة النهار: «النهاردة كنا أمام شياكة ورقي تليق باسم الراحل هاني شاكر ويليق باسم مصر»، مشيرًا إلى أن هذا المشهد يعكس صورة حضارية تليق بالدولة المصرية.
رسالة عن التحضر والتنظيم
وتابع: «الواحد بيصعب عليه مصر لو مظهرتش بالشكل ده، وطالما نقدر نكون منظمين يبقى ليه منعملش كده؟»، مؤكدًا أن مثل هذه المناسبات تثبت قدرة المصريين على التنظيم والعمل بشكل حضاري دون فوضى.
صورة مشرفة أمام العالم العربي
وأوضح: «في مواقع بتحصل بتبينلنا إننا نقدر فعلا نكون متحضرين ونشوف شغلنا منغير ما نبلطج على حد، ويخرج الحدث في أرقى شكل له»، مضيفًا: «أنا كنت راضي الحقيقة النهاردة إن العالم العربي كله شافنا بالمنظر ده إن دي جنازة لفنان مصري بتنظيم مصري وخرجت بالشكل ده».
واختتم حديثه قائلاً: «كلنا قولنا ياريته عايش علشان يشوف حب الناس ليه فعلا»، متابعًا: «بشوف الجنازة أهم من العزاء لأن العزاء بروتوكولي، بس صلاة الجنازة فيها الثواب وفيها استحضار الحالة.. وأنا بسمي صلاة الشفاعة».
