هالة فاخر: كنت دائما أتسبب في استدعاء ولي أمري بالمدرسة

تحدثت الفنانة هالة فاخر عن ذكرياتها خلال فترة دراستها في المدرسة، مشيرة إلى أنها كانت دائمًا ما تتسبب في إرسال استدعاءات لوالدها بسبب سلوكها داخل الفصل.

هالة فاخر تستعيد ذكرياتها 

وقالت فاخر، خلال استضافتها في بودكاست “فضفصت أوي” مع معتز التوني: “علشان مكنتش بسمع الكلام، وكنت دايمًا أناقش ومقولش حاضر وخلاص، كانت حاجات عبيطة ومش مستاهلة إن بابا ينزل من البيت ويضربني علشانها، ومكنش بيبقى في حاجة كبيرة، فكنت بلم الدنيا علشان ما أتضربش”.
 

هالة فاخر: “أنا مش بتاعة تعليم”

وأضافت أنها لم تكمل دراستها الجامعية، موضحة: “في الجامعة مكملتش، بصراحة أنا مش بتاعة علم ولا تعليم، أنا بتاعة شغل، ومبحبش أقعد أذاكر وأقرأ”.

وأشارت هالة فاخر إلى أنها لا تحبذ نقل هذه التجربة لأبنائها، قائلة: “الكلام ده مينفعش أقوله لولادي دلوقتي، لأنهم اتخرجوا وكانوا شطار جدًا في الدراسة، وده يرجع لأن أمي هي اللي ربتهم”.

واختتمت حديثها موضحة أنها تولت تربية نجلها حسين بعد سن العاشرة، مؤكدة: “أنا مربتش غير حسين ابني من بعد ما كان عنده عشر سنين، وكان شاطر جدًا في دراسته”.