هالة فاخر: بابا رغم حنيته كان صارم في التعليم والأخلاق

تحدثت الفنانة هالة فاخر عن ذكرياتها في أوقات الدراسة، قائلة: “أنا بصراحة وأنا في المدرسة كنت شاطرة نوعا ما، لأني كنت في مدرسة راهبات، وكان طبعًا فيها انضباط ونظام شديد”.

هالة فاخر تكشف ذكريات طفولتها

وأضافت، خلال استضافتها في بودكاست “فضفضت أوي” مع معتز التوني: “مش دايمًا كنت ملتزمة قوي، ساعات كنت ببوّظ النظام ده، وكان في مدرسة اسمها ميس إيزيس كانت بتضربني على سمانة رجلي بعصايتين، وكنت بكرهها جدًا، لكن في المقابل، باقي المدرسات كنت بحبهم جدًا”.
 

وتابعت: “مكنتش شاطرة أوي ولا خايبة أوي، يعني في النص كده، بس كنت بسقط أحيانا، بس عمري ما عدت السنة في المدرسة، إنما في الكلية آه، حصل”.

وعن والدها، أكدت أنه كان شخص صارم وجاد للغاية، مضيفة: "بابا كان صارم جدًا معايا في موضوع التربية والدراسة، رغم حنيته الكبيرة عليا، خاصة إني بنته الوحيدة،
كان ممكن يعدي أي حاجة، إلا التعليم والأخلاق، دول خط أحمر".