تامر أمين يفتح النار على السينما الحديثة: الإيحاءات "زادت عن حدها"

انتقد الإعلامي الكبير تامر أمين الأفلام الأخيرة التي تم طرحها على الساحة الفنية، بسبب ما تحتويه من إيحاءات غير لائقة، مؤكدًا أنها لا تتناسب مع عادات وتقاليد المجتمع المصري.

وخلال السطور التالية، ينقل لكم موقع “وشوشة” أبرز تصريحاته خلال حلقة اليوم من برنامج "آخر النهار"، المذاع عبر شاشة النهار.

فيلم "السلم والتعبان 2"… تصنيف +12 غير مفهوم

قال الإعلامي تامر أمين:"الأول كان في فيلم السلم والتعبان 2 – لعب عيال، اللي أنا قلت ده مش لعب عيال خالص، وكان فيه إيحاءات غير مناسبة لعاداتنا وتقاليدنا، وكان مصنف إنه +12، وما أعرفش إزاي.
وأنا علقت وقلت إن المصايب اللي موجودة في الفيلم ده المفروض تبقى +27"

"إن غاب القط" فيلم لطيف.. لكن المشكلة ما زالت موجودة

وتابع أمين حديثه قائلًا:"دلوقتي، بعد ما شفت فيلم إن غاب القط، واللي أنا بقول إنه فيلم فعلاً لطيف، لقيت برضه موجود نفس الإيحاءات اللي مش مناسبة لعاداتنا وتقاليدنا.
أنا محتاج أفهم الحاجات دي بتتحط ليه؟".

"ما يحدث في الأماكن المغلقة لا يُعرض على الشاشة"

وانفعل الإعلامي الكبير قائلًا:"محدش يقول لي إن ده الفن، وإن دي حقيقة بتحصل. 
اللي بيحصل في مكان مغلق المفروض يفضل في المكان ده، مش لازم يكون على الشاشة".

تحذير واضح: الصمت يشجع على التمادي

واختتم الإعلامي الكبير تامر أمين حديثه قائلًا:"في أفلام كده، الثالث تفتح الحنفية. طالما سكتوا، بقوا يزودوا جدًا. 
طالما النوع ده من الأفلام بيبيع وبينجح... وأنا شايف إن العاملين على الأفلام دي فنانين، ويقدروا يطلعوا حاجات فعلًا كويسة، والفيلم فعلًا كويس، لكن المفروض بس يتشال منه الإيحاءات".