حازم إمام يحسم الجدل: محمد صلاح مش هيعتزل في ليفربول

علق المحلل الرياضي ونجم الزمالك السابق كابتن حازم إمام على أزمة محمد صلاح مع نادي ليفربول.
وفي السطور التالية ينقل لكم موقع وشوشة أبرز تصريحاته خلال استضافته في برنامج "ضيفي" مع الإعلامي الكبير معتز الدمرداش.

رأي حازم إمام في أزمة صلاح مع ليفربول:"طالما شاطر وبيجيب أجوان… يفضل في الملاعب"

قال حازم إمام:"أنا شايف إن محمد صلاح المفروض يفضل في الملاعب طول ما هو شاطر وشغال بيجيب أجوان."

وتابع:"أنا شايف إن الاعتزال مش عند سن معين ولا رقم ثابت عند كل الناس. طول ما الشخص بيلعب كويس وبيجيب أجوان ومحقق نجاح… ليه يوقف؟ عمر الكورة ما كانت 1 + 1 = 2. 
هي مش معادلة… دي موهبة."

الموهبة هي الفيصل وليس السن

وأضاف إمام:"كلاعب… الموضوع بيتحدد بشخصيتك وقوتك وموهبتك. الموضوع مش ثابت لكل الناس."

"صلاح مش هيتعتزل في ليفربول"

وفي سياق متصل، قال إمام:"أنا شايف إن دماغ صلاح مش هتخليه يعتزل في ليفربول.
لأ… هو ممكن بعد ليفربول يروح يلعب سنة أو سنتين في فريق تاني، في مكان ما يكونش فيه منافسة عالية قوي… بس انبساط ويحس بموهبته."

وأكد:"بس ده رأيي… وممكن يبقى غلط لأن مفيش حد زي التاني. ممكن دماغه تكون مختلفة عننا."

"دماغه مختلفة… وعشان كده وصل للي هو فيه"

واختتم كابتن حازم إمام حديثه قائلًا:"هو صلاح دماغه مختلفة… وعلشان كده وصل للي هو فيه. وعلشان كده بقول: ما اعتقدش إنه هيكتفي في ليفربول لو ما جددوش معاه."