إيمي سمير غانم ترد بقوة على منتقدي ملابسها وملابس ياسمين صبري

كشفت الفنانة إيمي سمير غانم عن سبب ردها على أحد المتابعين الذين انتقدوا ملابسها في آخر ظهور لها، وكذلك انتقد الفنانة ياسمين صبري.
وخلال السطور التالية ينقل لكم موقع "وشوشة" أبرز تصريحاتها لبرنامج ET بالعربي على هامش حضورها فعاليات مهرجان البحر الأحمر السينمائي الدولي.

الانتقادات… "شيء غير أخلاقي ومحزن"  إيمي تكشف سبب الرد على الانتقادات

تحدثت إيمي سمير غانم عن أن الانتقادات التي تواجه الفنانين بشأن ملابسهم هي أمر غير أخلاقي وشيء محزن للغاية.
وقالت: "بيتكلم ليه؟ ساعات إحنا بنكون فعلًا مبسوطين وحاسين إن شكلنا حلو.. ممكن أبقى مبسوطة بالفستان، ليه تضيعوا فرحتي وتقولي مش مناسب؟".

وتابعت: "عشان كده رديت.. هو كان رد بيئة بس آسفة، كنت مضطرة أرد، يعني كمان بتتريق على ياسمين صبري!.. ياسمين صبري دي أصلًا قمر وجميلة جدًا، وفستانها كان حلو، وأنا كمان فستاني كان عاجبني".

النقد يجب أن يكون للأعمال وليس الملابس

وأشارت إلى أنه من المفترض أن يتم نقد الفنان على أعماله وليس على ملابسه أو مظهره.
وأضافت: "فعلاً، ليه حد ينتقد حد علشان لبسه؟، على الأقل انتقده لو لابس حاجة غريبة ومش لائقة على المكان، إنما أنا لابسة فستان عادي جدًا، مافيهوش أي حاجة، وياسمين صبري كمان كان شكلها حلو جدًا وما تستحقش إن حد ينتقدها".

دنيا نصحتها بعدم الرد

واختتمت إيمي سمير غانم حديثها قائلة:"وأنا اللي برد بس على فكرة يعني عايزة أقولك، دنيا أختي مستحيل ترد، وقعدت تقولي إزاي تردي؟ وعيب، بس لا، أنا إنسان، ممكن ما يمسكش نفسه واتعصبت عادي".

وأضافت:"رديت على طريقة أم شيماء جمال لأني بحبها جدًا، الست دي لطيفة أوي وبشوف فيديوهاتها".