خالد النبوي يكشف متطلباته للمشاركة في الأعمال التاريخية

كشف الفنان الكبير خالد النبوي عن متطلباته الإنتاجية في أي عمل تاريخي. وخلال السطور التالية يقدم لكم موقع وشوشة أبرز تصريحاته خلال استضافته في بودكاست حوارات مع عباس، الذي يقدمه الفنان عباس أبو الحسن والمذاع عبر موقع التواصل الاجتماعي "يوتيوب".

التدريب على السلاح… أول الشروط

قال الفنان خالد النبوي:"أنا لما بيعرضوا عليّ مسلسل تاريخي وييجوا يقولوا لي إيه طلباتك؟ أقول لهم أول حاجة… مين هيمرني على السلاح؟".

الدقة في كل تفصيلة صغيرة

وأضاف النبوي أن كل تفصيلة بسيطة في أي مشهد من مشاهد المسلسلات التاريخية يجب أن تكون بمنتهى الدقة، وقال:"ما هو أنا لازم أتمرن على السلاح. هو أنت فاكرني مثلًا مولود فارس؟ أو مولود رافع سيف؟ مش منطقي. 
لازم أقنع المشاهد… لازم أكون عارف أعمل الحاجة دي.. مين اللي هيتمرني على ركوب الخيل؟ وكمان لازم يكون فاهم في الكاميرا كويس قوي… يفهم الكادر ده هيتاخد إزاي."

إختيار المخرج المناسب للمعارك

وأوضح النبوي أن من أهم الأشياء هو اختيار مخرج ملائم للحروب والمعارك في الأعمال التاريخية، لأنها مهمة شديدة الصعوبة.
وتابع:"إحنا لما عملنا ممالك النار… اللي أخرج الدراما كان مخرج إنجليزي، واللي أخرج المعارك كان مخرج إسباني.
وطلع حلو جدًا… لأن كل واحد ليه حاجة عارف يعملها وفاهم فيها كويس قوي."

التفاصيل التي لا يتوقعها أحد

واختتم النجم خالد النبوي حديثه قائلًا:"لما ييجي يقول لي: لا، أنا بسأل عن طلباتك أنت… أقول له: طب مين مهندس الديكور؟ يستعجب ويقول لي هي دي طلباتك؟ 
هما مش فاهمين إن أنا بركز في التفاصيل دي كويس جدًا."