سمية الخشاب: جمالي جمال رباني والثقة بالنفس أهم شئ

وجهت الفنانة سمية الخشاب رسالة مهمة لمتابعيها وجمهورها عن الثقة بالنفس، وذلك خلال لقائها في برنامج “عرب وود” على هامش حضورها فعاليات مهرجان التميز والإبداع.

حديثها عن زيادة الوزن

قالت الفنانة سمية الخشاب إنها لا تتبع أي نظام غذائي، ولا تركز على مسألة الزيادة أو النقصان في وزنها، وعلقت قائلة:"ده جمال رباني، وأهم حاجة الثقة بالنفس."

نصيحتها للجمهور

وأضافت:"أحب أوجه رسالة للجمهور أهم حاجة إنك تبقي واثقة في نفسك، مهما كان وزنك قدّ إيه. لازم تبقي واثقة في نفسك. يعني زيادة الوزن 2 أو 3 كيلو ما يفقدش الست ثقتها في نفسها. لا… خليكي عارفة إنّك جميلة، وما تقعديش تقولي لنفسك أنا تخينة، أنا مش حلوة."

وكانت الفنانة سمية الخشاب قد أعربت عن سعادتها الكبيرة بتكريمها في مهرجان التميز والإبداع عن مسلسل "أم 44".

وقالت الفنانة سمية الخشاب: “أنا سعيدة جدًا بالتكريم في مهرجان التميز والإبداع، خصوصًا إن هو عن مسلسل ”أم 44"
المسلسل ده أنا بحبه قوي، وحسيت إن أنا تألقت فيه جدًا، هو مسلسل كوميدي وفعلا كنت بشتغل فيه من قلبي وبعمل المشاهد من قلبي".

إشادة بالمؤلفة هبة مشاري حمادة وفريق عمل مسلسل “أم 44”

وأضافت: "المسلسل كتابته كانت حلوة قوي الأستاذة هبة مشاري حمادة، كتبته حلو جدًا، وهي مؤلفة وكاتبة مبدعة، وعملت شغل حلو قوي في المسلسل ده، وكمان المخرج كان الشغل معاه ممتع جدًا، وكل فريق العمل كانوا مبدعين وموهوبين، والشغل معاهم كان فعلاً جميل، وأنا كنت سعيدة بيه".

كواليس تصوير مسلسل “أم 44”

وفي سياق حديثها، تطرقت سمية الخشاب إلى كواليس تصوير مسلسل “أم 44” وقالت: "إحنا في تصوير العمل ده كنا بنقضي أحلى أوقات مع بعض، فريق العمل كله بجد كانت أجواء جميلة، كنا بناكل سوا، وبنشرب سوا، وبنهزر، ونراجع المشاهد ونشتغل، وفعلا الفترة دي أنا كنت حباها جدًا".