كاملة أبو ذكري: مهنة الإخراج اتغيرت

كشفت المخرجة الكبيرة كاملة أبو ذكري عن رأيها في التغيير الذي حدث في مهنة الإخراج.
وخلال السطور التالية ينقل لكم موقع وشوشة أبرز تصريحاتها خلال استضافتها في برنامج "ضيفي" مع الإعلامي معتز الدمرداش.

المهنة لم تعد كما كانت

كشفت المخرجة كاملة أبو ذكري أن هناك تغييرًا جذريًا حصل في مهنة الإخراج، وقالت:"دي كانت مهنة وبعدين بقت مهنة تانية… يعني مثلًا أنا كنت بشتغل دكتورة بقيت بشتغل… فتحت محل كباب."

الإنسان ثابت لكن المهنة تغيرت

وأوضحت قائلة:"الإنسان هيفضل نفس الإنسان… يعني أنا كاملة، ولكن المهنة اتغيرت."

تجديد.. لا تغيير جذري

وأضافت أنها لن تغيّر من نفسها، لكنها تحاول أن تغير وتجدد، ولكن ليس التغيير الجذري الذي يحول المخرج من صاحب سيناريو وفكرة وهدف إلى شخص فقط يريد الشهرة أو المال.

قلة أصحاب الفكرة والهدف

واختتمت المخرجة الكبيرة كاملة أبو ذكري حديثها قائلة:"بقى قليل قوي إني أشوف حد عنده فكرة وعنده هدف عايز يعمله. 
حتى كتاب السيناريو قليل جدًا. زي ما بلاقي سيناريو كويس وحد عنده حلم، لا… دلوقتي بقى أغلب الناس عايزين يعملوا ورشة ويجمعوا فلوس وبعدين يعملوا مسلسل 30 حلقة في رمضان علشان يبقى 30 حلقة. 
لكن دلوقتي الموضوع ما بقاش فن وهدف ورسالة قد ما بقى شغلانة وأكل عيش وسبوبة.
كان زمان المخرج والكاتب ممكن يقعدوا مع بعض سنتين يشتغلوا وبيحلموا بفكرة أو مسلسل واشتغلوا عليه، وبعدين يروحوا للمنتج يقنعوه بالهدف والفكرة اللي عندهم.
دلوقتي بقى المخرج قاعد في البيت مستني السيناريو يجيله جاهز ما مضي عليه من المنتج ومتوافق عليه ومعاه نجم… وده طبعًا حاجة مش منطقية."

كاملة أبو ذكري… مسيرة فنية حافلة بالنجاحات

تُعد المخرجة الكبيرة كاملة أبو ذكري واحدة من أهم المخرجات على الساحة الفنية خلال الفترة الأخيرة، إذ قدمت عددًا كبيرًا من الأعمال الناجحة التي حققت جماهيرية واسعة لدى الجمهور، أبرزها: مسلسل "سجن النسا"، ومسلسل "بـ100 وش"، وفيلم "يوم للستات"، ومسلسل “بنت إسمها ذات”.