صابرين تكشف أسرار "أم كلثوم".. وتدافع عن منى زكي: متشوقة لفيلم "الست"

تحدثت الفنانة صابرين عن تجربتها في تقديم دور أم كلثوم، كما عبرت عن حماسها وتشويقها لمشاهدة فيلم "الست" الذي تقدمه النجمة منى زكي. وفي السطور التالية يقدم لكم موقع وشوشة أبرز تصريحاتها لبرنامج "One Take".

تجربة صابرين في "أم كلثوم" تختلف تمامًا عن الفيلم

قالت صابرين إنها قدمت دور أم كلثوم على مدى أطول، لأنها جسدته في مسلسل وليس فيلم كما ستقدمه الفنانة منى زكي.
وأضافت:"أنا عملت أم كلثوم على 36 حلقة، إنما ده فيلم، فاعتقد المسألة هتكون مختلفة… وأكيد هنشوف حاجة مختلفة تمامًا عن المسلسل."

صابرين: أنا بعشق منى زكي… ومتشوقة أشوف الفيلم

وفي سياق حديثها، أشادت الفنانة الكبيرة صابرين بالنجمة منى زكي، قائلة:"أنا بعشق منى زكي… بحبها جدًا، وهي فنانة شاطرة قوي. وأنا متشوقة جدًا إني أشوف الفيلم، وحقيقي منى زكي ممثلة شاطرة، وأنا متأكدة إنها عملت مجهود جبار… وكمان أحمد مراد أكيد كاتب حاجة كويسة."

وتابعت:"وأكيد طبعًا المخرج العظيم مروان حامد اللي أنا اتشرفت إني اشتغلت معاه في فيلم (تراب الماس)، أكيد طبعًا هيقدم عمل مختلف وجميل جدًا… وأنا فعلًا شايفة إن التركيبة بتاعة الفيلم ده مختلفة، وإنه هيظهر بشكل مختلف تمامًا عن المسلسل."

عن الهجوم على منى زكي: الجمهور بيحب أم كلثوم

وعلقت النجمة الكبيرة صابرين على موجة الانتقادات التي واجهتها النجمة منى زكي عقب إطلاق البرومو التشويقي لفيلم "الست"، قائلة:"ممكن يكون الهجوم ده من جمهور بيحب أم كلثوم وحاسس إنها منهم وعايزها تطلع بأحسن صورة… ممكن يكون الجمهور حابب المسلسل، في حاجات كتير جدًا بتدخل في الموضوع ده… وفي لجان كمان… وفي آراء جمهور ما حدش يقدر يأثر عليها."

"نتفرج الأول… وبعدين نحكم"

واختتمت الفنانة صابرين حديثها قائلة:"بس هو الطبيعي… إزاي يكون في هجوم وإحنا لسه ما شفناش العمل؟، طب نتفرج الأول على الفيلم، وبعدين نحكم ونشوف."