"ليه أعمل وقفة احتجاجية؟".. القصة الكاملة لتفاصيل أزمة مسلم مع نقابة الموسيقيين
علق مطرب المهرجانات مسلم على أزمته مع نقابة المهن الموسيقية، مؤكدًا شعوره بالظلم بعد قرار إيقافه عن الغناء منذ مارس الماضي.
وكتب عبر خاصية "ستوري" على حسابه الرسمي في "إنستجرام": "هما عادي ممكن يسيبوا حد يبوس واحدة على الاستديج وبعد كدة يفرشوا الأرض ورد ليه ويستقبلوه أحلى استقبال، وعادي يسيبوا حد يقول إيحاءت في الأغاني وعادي محدش برضه يتكلم، وكل دول ما يتحسبوش، وأنا اللي أفضل قاعد سنة بدون شغل عادي جدًا".
اتهامات مسلم للنقابة
تابع مسلم: "بس أقولك إيه، هو ده الواحد لما يكون معاه سلطة بيدوس على أي حد ويطلع يتكلم باسم الفضيلة وإنه راجل عادل وعمره ما ظلم حد، حسبي الله ونعم الوكيل.. #نقابة_مش_عادلة".
وجاءت هذه التصريحات بعد المداخلة الهاتفية التي جمعته مع الفنان مصطفى كامل، والتي تبادل خلالها الطرفان الاتهامات والتوضيحات حول أسباب إيقافه.
موقف مسلم من الوقفة الاحتجاجية
ونفى مسلم في تصريحات تلفزيونية قيامه بأي وقفة احتجاجية أمام النقابة، وقال خلال مداخلة عبر برنامج "كلمة أخيرة" مع الإعلامي أحمد سالم على قناة ON: "مكانش فيه وقفة احتجاجية، كل الكلام ده كذب وإشاعات، هنزل أعمل وقفة احتجاجية عند النقابة؟ ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده".
حل مشكلته مع شركات الإنتاج
وأوضح مسلم أن لديه مشكلة مع شركة كبيرة للإنتاج الصوتي تم حلها مؤخرًا، وقال: "خلصت معاها المشكلة وخدت عقد، واللي أعرفه إنه لو جبت العقد وخلصت المشكلة هرجع أشتغل وكنت رايح النهارده النقابة عشان أحل وارجع، وواحد صحفي كلمني وقال لي هاجي معاك عشان لو رجعت تعرف الناس إنك رجعت، وأنا قلت له طالما الناس كلها عرفت إني موقوف، وقلت لو رجعوني النهارده، وكنت واثق في ربنا، كنت هقول إني رجعت".
أجواء الأزمة وتأثيرها على مسيرته
تستمر أزمة مسلم مع النقابة منذ عدة أشهر، وأثرت على نشاطه الفني بشكل كبير، وسط دعم من بعض زملائه ومتابعيه على منصات التواصل الاجتماعي.
ويشير متابعون إلى أن هذه الأزمة سلطت الضوء على صعوبات بعض الفنانين في التعامل مع اللوائح والضوابط المهنية، بينما يواصل مسلم محاولاته للعودة إلى نشاطه الفني الطبيعي.
