انتصار تفجر الجدل: الرجالة مظلومة والست واخدة حقها تالت ومتلت!
تحدثت الفنانة انتصار عن رأيها في حقوق الرجل والمرأة في المجتمع، وجمعيات حقوق المرأة.
وخلال السطور التالية، ينقل لكم "وشوشة" تصريحاتها خلال استضافتها في بودكاست "شقة التعاون" مع الفنان حسام داغر.
أكدت الفنانة انتصار أنها ترى أن الرجال مظلومون بشكل كبير، وأن هناك بعض الجمعيات أو المؤسسات النسوية التي تُبالغ في الحديث عن حقوق المرأة المكافحة.
وقالت: "أنا رأيي اللي طول الوقت بقوله إن الرجالة مظلومة جدًا على فكرة، وكمان في جمعيات حقوق المرأة اللي مزوّداها أوي في الكلام عن حقوق المرأة والمرأة المطحونة والمرأة المظلومة والمرأة المطلقة، والأمومة تضيع، وحقوق الطفل والأمومة... أنا شايفة بقى إن الست واخدة حقها تالت ومتلت."
لمشاهدة الفيديو أضغط هنا
الخوف من الزواج يزداد بين الشباب بسبب جمعيات حقوق المرأة
وأضافت انتصار أن هناك فئة كبيرة من الشباب والرجال لا يريدون الزواج خوفاً مما يحدث من جمعيات حقوق المرأة. وقالت: "والله في رجالة كتير أوي مبقوش عايزين يتجوزوا، خايفين جداً من حقوق المرأة والتزويد في كل ده."
حقوق المرأة في القرآن واضحة
وأشارت الفنانة انتصار أيضاً إلى وجود سورة كاملة في القرآن الكريم باسم النساء، مؤكدة أننا يجب أن نطالب بالحقوق التي وضعها الله للمرأة في القرآن والشريعة الإسلامية فقط، وليس أكثر ولا أقل، وقالت:"أنا بشوف اللي بيحصل بقى ومناصرة المرأة ده شيء غريب أوي! يعني إيه مناصرة المرأة؟ هي المرأة معتقلة؟ والناس اللي بتقول اتطلقت أصل الراجل طلقها.. ماشي! الطلاق حلال وقسمة ونصيب، فين المشكلة؟".
الرجال لا يملكون رفاهية “الدفاع عن حقوقهم”
واختتمت انتصار حديثها قائلة: “والناس اللي بتقول أصل الراجل رمى طليقته وعياله.. يعني احنا لو نفضناه هينزل كام؟! هو أصلاً بيقبض كام ومش بيصرف على عياله؟ خلاص! ارفعي قضية وخدي اللي انتي عايزاه!”.
وأضافت: "على الجهة التانية بقى الراجل أصلاً مش بيعمل كل ده، الراجل مش شايف المرأة عشان يعمل جمعية لحقوق الرجل، هو مش عايز يضيع وقته في إنه ياخد حقه من المرأة لأنها مش في مجال الرؤية أصلاً، هو مش شايفها علشان يهتم".