كريم الشناوي يكشف أسرار بداياته في عالم الفن

كشف المخرج كريم الشناوي عن تفاصيل دخوله مجال الفن وبداياته، وخلال السطور التالية ينقل لكم "وشوشة" تصريحاته خلال استضافته في برنامج "ساعة ونس" المذاع عبر شاشة "CBC سفرة" مع الإعلامي مراد مكرم.

تحدث المخرج كريم الشناوي عن سبب دخوله مجال الفن، حيث بدأ الأمر بمشروع تخرج في كلية الإعلام. وعلى الرغم من حبه الكبير للفن والإخراج، إلا أنه اختار دخول كلية الإعلام.
وقال:"دخلت إعلام لأني مكنتش متأكد إني أدخل معهد سينما بسبب حبي للإخراج والفن.. وده طبيعي في التعليم."

من الصحافة إلى السينما… رحلة اكتشاف الشغف

واستطرد قائلاً:"أول ما بدأت اشتغلت معدّ في وكالة أخبار، بس ملقتش نفسي ومحستش إن هو ده شغفي.. كنت وقتها حابب المرح، وعملت مشروع تخرج اسمه اتجاه المرج، كان فيلم قصير، وهو ده كان مشروع تخرجي من كلية الإعلام جامعة القاهرة. وبعدين نشرته ولقيت منتجين وإعلاميين بيقولولي أقدم في مهرجانات ومسابقات، وأنا مكنتش فاهم إيه ده، بس كسبنا أكتر من جائزة في مهرجانات كبيرة."

خطوة نحو الاحتراف

وأكد أنه بعد ذلك عمل لفترة كمساعد مخرج في عدة مسلسلات ومع المخرج الكبير عمرو سلامة، ثم سافر إلى لندن لدراسة الإخراج.
وقال:"مينفعش تقول أنا عايز أبقى مخرج.. لازم تتأكد إنك عايز تكون مخرج، لازم تتأكد إنك بتعرف تحكي."

دراسة الإخراج في لندن وتوسع الرؤية الفنية

وأوضح أنه في هذه المرحلة شعر بأن لديه القدرة ليكون مخرجًا حقيقيًا، وأن منحة تعلم الإخراج كانت رائعة ومفيدة جدًا وتعلّم منها الكثير.

وأضاف:"اتخضيت، بس في فترة قليلة شوفت مسرحيات كتير وأفلام، واتفاجئت إني بدرس فن في نص الحكاية. وقتها اتأكدت إننا أقرب للفن الأوروبي والإنجليزي أكتر من الفكر الأمريكي في إنتاج الفن... وإحنا عندنا فن رائع وبنقدم فن جميل جدًا، وعندنا مواهب رائعة."

رسالة إلى صنّاع الفن والجمهور

واختتم المخرج كريم الشناوي حديثه قائلاً:"هناك فنون ومواهب كثيرة جدًا، والجمهور كبير جدًا، بس ده ليه علاقة إزاي بنبص للفن وإزاي.. والموضوع مش متوقف على الجمهور، لازم أشوف أنا بقدم إيه. والصنّاع مش هيحلّوا كل شيء، لازم نحاول نصلّح معظم الأخطاء."