أمينة خليل: أنا مش حامل وترشيحات الأوسكار بتدينا أمل نوصل للعالمية
عبرت الفنانة أمينة خليل عن سعادتها بالتواجد في الدورة الثامنة من مهرجان الجونة السينمائي، مؤكدة أن ما يميز هذا الحدث الفني الكبير هو تطوره الملحوظ عامًا بعد عام، وقالت: "كل خطوة المهرجان ده بياخدها وكل سنة بنشوفه بيكبر وبينضج واحنا بندعمه، وأحلى حاجة إننا شايفينه بيكبر قدام عنينا، وده إحساس رائع."
أمينة خليل: الأفلام المشاركة بتفرح القلب... وأنا متحمسة أتفرج
يقدم لكم موقع وشوشة أبرز تصريحات الفنانة أمينة خليل، خلال لقائها مع الإعلامية بوسي شلبي، عبر قناة "Ten"، حيث أضافت أمينة: "كم الأفلام اللي موجودة السنة دي مبهر، وأنا متحمسة جدًا أتفرج على أكتر من فيلم, وكمان كل الاحتفالات اللي بنحضرها في المهرجان بتفرّح القلب."
وأشارت إلى أن المهرجان بقى مساحة حقيقية للسينما والفن والتواصل بين صناع الأفلام في مصر والعالم.
أمينة خليل: ترشيحات الأوسكار بتدينا أمل نوصل للعالمية
أشادت أمينة خليل بالأفلام المرشحة للأوسكار المشاركة في المهرجان، واعتبرتها دافعًا للممثلين المصريين لصناعة أعمال تصل إلى العالمية، وقالت:"دي حاجة كبيرة جدًا، وبتدينا كممثلين مصريين أمل إننا ممكن في يوم من الأيام نكون ضمن ترشيحات الأوسكار، لو عندنا قصة قوية، وإخراج وتمثيل صادق، فعلاً ممكن نكون موجودين على خريطة السينما العالمية."
أمينة خليل: السنة دي جاية كمُشاهدة.. وعايزة أتفرج على كل حاجة
أوضحت أمينة خليل أن مشاركتها هذا العام في المهرجان تقتصر على الحضور فقط، دون ارتباط بعرض أو مشاركة فنية، مشيرة إلى أن ذلك يمنحها فرصة أكبر للاستمتاع بالسينما، وقالت: "أنا السنادي جاية أحضر بس، وده بيديني وقت ومساحة إني أتفرج على الأفلام أكتر، وده الهدف الحقيقي من وجودي في مهرجان زي ده."
أمينة خليل: مش حامل.. ولو حصل هقول بنفسي
وحول الشائعات التي تم تداولها مؤخرًا بشأن حملها بسبب ارتدائها فساتين واسعة، ردت أمينة خليل بحسم قائلة: "لا، مش حامل، وخليني أقولكم وعد لو ده حصل، أنا اللي هقول بنفسي."