بعد ترشح أغنيته للجرامي.. مصطفى حدوتة: كانت نفسيتي تعبانة!
أعرب الشاعر مصطفى حدوتة عن سعادته الكبيرة بمشاركة أغنية "أنا - أنت" للفنان محمد رمضان في المرحلة الأولى من سباق جوائز الجرامي 2025، وذلك بعد غياب ترشيح الأعمال المصرية للجرامي بعد ما يقرب من 20 عام.
وشارك مصطفى حدوتة جمهوره، بمنشور يعبر فيه عن سعادته وذلك عبر حسابه على موقع "إنستجرام"، قائلًا: بعد تجارب وشغل كتير بدأ من أول أغنية (ثابت) اللي ليها معايا حكاية خاصة لأنها اتسجلت يوم فرحي ونزلت أول يوم جوازي عشان أمضي عقودها، وبعد أغاني كتير منهم “خمسة كل خميس” و “أنا البلد” و”رقم واحد يا أنصاص” لحد “إيه يا قلبي” و “أنا أنت” كانت رحلة ممتعة وتجارب رائعة.
وأضاف حدوتة: ولكن أنا كنت تعبان نفسيًا جدًا وأنا شغال مع محمد رمضان إني محققتش أكبر رقم معاه وده بيسببلي إزعاج كبير جدًا .. ولكن السنة دي حققت معاه حاجه أحلى وأهم الحمد لله إن أغنية (أنا - أنت) اترشحت للجائزة الأكبر للموسيقى في العالم وهي جائزة (الجرامي).
وأردف حدوتة: وللعلم الجائزة دي ماترشحش ليها فنان مصري من 20 سنة ولم يفز بها إلا فنان مصري وحيد وهو الموسيقار (فتحي سلامة) وده حدث تاريخي بالنسبة لي وبالنسبالنا كمصريين.
كما وجه مصطفى حدوتة الشكر لكل الصناع الذي تعاون معهم في الأغاني التي جمعته مع النجم محمد رمضان، وخص بالذكر صناع أغنية "أنا - أنت": بشكر الفنان محمد رمضان ع ثقته الكبيرة فيا وبشكر كل اللي تعاونوا معايا ومعاه في كل أغانينا وأخص بالشكر بصناع (أنا - أنت) وهما أخواتي كولبيكس ومصطفى تاج، بالتوفيق والنجاح للجميع.
مصطفى حدوتة يتحدث عن مشواره الفني
وفي سياق متصل، تحدث الشاعر مصطفى حدوتة مؤخراً عن مشواره الفني ورؤيته الخاصة للإبداع، مؤكدًا أنه يسعى دائمًا لتقديم أعمال حقيقية وصادقة، بعيدًا عن الاستسهال أو مجرد التكرار.
وكشف حدوتة عن أعماله وأسرارها، خلال ندوة خاصة لتكريمه من قبل مجموعة "وشوشة" الإعلامية، بحضور الكاتب الصحفي مصطفى متولي، رئيس التحرير، ومنار بدر الدين، رئيس قسم الفن.
وقال مصطفى حدوتة: “طالما تعرف تعمل حاجة، متوقفش عن عملها، أنا مثلًا لو بعرف أفصّل بنطلون كويس، أفضل أعمله، ولو قدرت أضيف عليه لمسة جديدة، يبقى تمام، حتى لو الحاجة بسيطة، وتفضل مكملة معايا، لكن مش بالضرورة أحب أنافس في كل المجالات، لأن أحيانًا الواحد بيحس إنه اكتفى من المنافسة، ولما حد يقدر يكسر أرقامي، ممكن وقتها أفكر أرجع أنافس من جديد”.