ميدو: بيان الزمالك الأخير سبب رئيسي في تعادل الفريق مع الجونة
اعتبر الإعلامي أحمد حسام ميدو أن البيان الذي أصدره نادي الزمالك بعد اجتماع مجلس الإدارة الأخير كان من أبرز الأسباب التي أدت إلى تعادل الفريق أمام الجونة بنتيجة 1-1 في الدوري الممتاز.
وقال ميدو، خلال برنامجه "أوضة اللبس" على قناة النهار: "بيان نادي الزمالك عقب اجتماع أمس كان سبب رئيسي في التعادل مع الجونة إيه الهدف من بيان بيشكر اللاعبين والجهاز الفني وجهاز الكرة اللي مش بياخدوا مستحقاتهم؟".
وأضاف: "البيان ده مينفعش يطلع قبل 24 ساعة من مباراة مهمة، وده استفز اللاعبين وأعضاء الجهاز الفني اللي ماخدوش حتى جنيه واحد من مستحقاتهم البيان كأنه بيقول للاعبين إنهم مش هياخدوا فلوسهم دلوقتي، وده طبيعي يخليهم متأثرين".
وتابع ميدو: "كان الأفضل إن مجلس الإدارة يجتمع مع اللاعبين مباشرة ويقول لهم يستحملوا شوية ويعتذرلهم، بدل ما يصدر بيان علني بالشكل ده".
واختتم تصريحاته قائلاً: "الزمالك كل فرق الدوري عايزه تديله اللقب على طبق من فضة، لكن هو نفسه مش عايز يكسب البطولة".