مريم أمين ترد على منتقدي الترحم على الفنان لطفي لبيب: "ربنا يشفي العقول دي"
عبّرت الإعلامية مريم أمين عن حزنها الكبير لوفاة الفنان القدير لطفي لبيب، ووصفت رحيله بالخسارة الفنية والإنسانية العميقة، قائلة: "العظيم لطفي لبيب كانت عنده رحلة طويلة مع المرض، وفارقنا، وبنترحم عليه كلنا وبنقدم العزاء للوسط الفني كله".
وتوقفت مريم خلال برنامجها" اتفقنا "المذاع على إذاعة نجوم إف إم، عند ظاهرة مؤسفة تكررت مؤخراً، وهي اعتراض بعض الأشخاص على الترحم على الفنان بحجة اختلاف الدين، وانتقدت هذه العقلية قائلة: "في ناس بتقول نترحم عليه ليه؟ ده هو مش من ديننا! دي عقلية متأخرة، وانت كده بتشيل ذنوب مش بتكسب ثواب".
وأضافت: "مين اللي قال إننا لازم نفكر كده؟ لو العقلية دي اتشالت من مجتمعنا، البلد هتفرق جامد عندنا فقر حقيقي في التفكير، وده اللي محتاجين نشتغل عليه. ربنا يشفي العقول دي".
واختتمت حديثها برسالة مؤثرة عن مكانة لطفي لبيب في قلوب الجمهور، مؤكدة: "ربنا يرحمه ويصبر قلوب الناس اللي بتحبه، لأنه كان بيقف مع ناس كتير، بالنسبالي، بعد حسن حسني ولطفي لبيب، أنا حاسة إن المرحلة دي خلصت، ومش هيتكرروا تاني ممكن نعيش مع أجيال جديدة، لكن زي دول؟ لا خلاص، خلصت كده".