مروة صبري تفتح النار على "ترند بنت حسني مبارك": "التيك توك بقى شحاتة إلكترونية وسرقة علنيّة"
علّقت الإعلامية مروة صبري على قصة الفتاة التي ظهرت مؤخراً على "تيك توك" مدعية أنها ابنة الرئيس الأسبق محمد حسني مبارك من الفنانة المعتزلة إيمان الطوخي، ووصفت ما يجري بأنه "مسرحية هزلية رخيصة مكتوبة مخصوص لجمع الفلوس من ورا التريندات الفارغة".
وقالت مروة خلال منشور عبر حسابها الشخصي على فيسبوك:"البنت اللي طالعة تقول أنا بنت حسني مبارك وإيمان الطوخي.. قالتلك: أطلع أعمل شوية مشاهدات من غير ما أقول كبس كبس وأبدأ الطريق من أوله؟ لأ، أنا عايزة أنجز! أتكلم عن مواضيع عاملة قلق زي إبراهيم شيكا وأرمي كلمتين عن تجارة أعضاء وأسامي مشاهير.. فالناس تشوفني، ويجيلي دعم وشير وكومنتات.. أسود ونمور وورد وفل وياسمين.. وأطلع بكام قرش".
وأضافت:"لما يتقبض عليها وتتحبس، هتكون لمّت شوية فلوس، تدفع منهم 200 ألف للمحامي، وتعيش بعدها باللي تبقّى ده بقى التيك توك.. شحاتة، دعارة إلكترونية، سرقة عيني عينك اقفلوه وارحمونا من المصايب .
وختمت الإعلامية منشورها :"الناس نايمة، واللي بيحصل على السوشيال ميديا كارثة أخلاقية، ومش كل اللي يلاقي التيك توك فاتح معاه يبقي إعلامي أو مؤثر.. في فرق كبير بين الشهرة والإسفاف".