عزيز الشافعي لـ"وشوشة": مبسوط بنجاحي مع عمرو دياب ونانسي وحماقي
عبر الملحن عزيز الشافعي عن سعادته الكبيرة بالنجاحات التي يحققها في صيف 2025، مشيرًا إلى أن تعاونه مع كبار نجوم الغناء أثمر عن أعمال تلقى صدى واسعًا لدى الجمهور.
وقال عزيز الشافعي في تصريح خاص لـ"وشوشة":"يعني مبسوط بالسيزون بتاع الصيف لغاية دلوقتي نجاحي مع عمرو دياب أغاني متقلقش ويا بخته ويلا كان مهم جداً في الفترك دي في شغلي مع عمرو دياب إني أنا دايماً بركز على الأغاني اللي تعيش والأغاني اللي عمرها هيبقى أطول".
وتابع حديثه قائلاً:" رهاني على الغنوة اللي عمرها أطول مش النجاح اللحظي وبشوف إن أغنية ماتقلقش عملت الأتنين هي عملت نجاح تريند مصطلح يعني اللي موجود رقم اتنين على اليوتيوب أكتر من اسبوع".
وأردف:" وفي نفس الوقت هي اغنية اللي هي فيها قيمة فنية بمعنى انها تعيش عمرها يبقى أطول في الأغاني الخفيفة ودة اللي انا بركز عليه في الفترة دي في المرحلة دي يعني بعد ما الواحد الحمد لله قدر يتصدر الساحة الفنية يمكن ست سنين دلوقتي مركز على أكتر على الأغاني اللي تعيش زي مابتغبش زي شكراً من هنا لبكرة زي ما انتي انا بطمن عليك وفي الألبوم دة ماتقلقش".
وأضاف عن أعماله الجديدة:" عامل أغنية جديدة مع أحمد سعد اسمها بالونة، ودي إن شاء الله هتنزل بكرة أو بعده، وكمان عندي 3 أغاني في ألبوم عيسلي بعنوان صيف عيسلي".
واستكمل حديثه:" كمان مستني ألبوم نانسي عجرم غنوتين مهمين جانب الليل وأفضل أغني مع تامر حسين وطارق مدكور من الأغاني المهمة في الصيف دة وإن شاء الله تبقى أغاني ناجحة ودايماً نانسي عجرم معايا ناجحين قبل كدة عملنا حبيبي تيجي ننبسط وعملنا ياساتر في المسلسل بتاع يوتيرن".
وأضاف عن سعادته بأغنية كارمن سليمان:" مبسوط بغنوة كارمن سليمان حب ايه ياحسرة فكرة جديدة وتوما عامل فيها مزيكا مغربي شوية على كلام مصري والأغنية وصلت للناس على سوشيال ميديا في كل حتة بشكل كبير ودايما حظي حلو مع كارمن سليمان عملنا قبل كدة نجاحات كبيرة زي لينا رقصة ويا جمالك".
وأختتم حديثه قائلاً:" وشغال مع بقيت الفنانين على اغاني ان شاء الله هتنزل قريب إن شاء الله هيبقى في أغنية مع محمد منير وشغال في ألبوم حماقي ويارب إن شاء الله ابقى موجود بصورة مناسبة للاسم وثقة الناس فيا واواصل إن شاء الله في 2025 اللي عملته ست سبع سنين اللي فاتوا بنيت الحمد لله المساحة مساحة التلحين أو الغناء".