عمرو أديب: حفل كايروكي اجتياح فني.. واللي يهاجم شيرين وأنغام كأنه بيهاجم مصر
أشاد الإعلامي عمرو أديب بحفل فرقة كايروكي الذي أُقيم في استاد القاهرة، مؤكدًا أن الحفل شهد حضورًا جماهيريًا ضخمًا، وأن الفنان أمير عيد "أشعل الأجواء" على حد تعبيره.
وقال عمرو أديب، خلال حديثه في برنامج "الحكاية" المذاع على قناة “mbc مصر”: “كايروكي كانوا عاملين حفلة امبارح، أمير عيد في استاد القاهرة هو ده الفن، يمكن يعجبك أو لا، بس اللي حصل كان اجتياح رهيب، وطلع أمير على المسرح ولّع في الدنيا، يا أخي أنا انفجرت، وكان نفسي أكون هناك، بس بصراحة لو كنت هناك مكنتش هكمل نص ساعة وأمشي، علشان سني مش زي الناس اللي هناك”.
وأضاف: “هو أمير عيد طالع منين؟ مش مصري؟ وكان فيه 50 ألف واحد في الحفلة، ده في ماتشات ميبقاش فيها الأرقام دي، وهي دي مصر”.
وفي سياق حديثه عن دعم الفن والفنانين، وجه عمرو أديب رسالة حادة لمن يهاجم نجوم الغناء في مصر، قائلا: “اللي بيضرب في شيرين كأنه بيضرب في مصر، واللي بيقرب من أنغام كأنه بيقرب من مصر، واللي مش عاجبه محمد منير يبقى مش عاجبه مصر، فيه ناس بتكره الفنانين كده وخلاص، وبيفتكروا إن ده تافه، لأ خالص، الفن مش تافه أبدا، ده اللي بينقي الناس ويخليهم أعظم وأجمل”.
وأكد أن الفن يعكس هوية الأمة، وأن دعم الفنانين هو دعم لصورة مصر وثقافتها أمام العالم.