هشام جمال يكشف لأول مرة: “إسعاد يونس تبنتني فنيًا وقالت عني عينه بتنط ذكاء”
تحدث الفنان والمنتج هشام جمال لأول مرة عن الشائعات التي طالته في بدايات مشواره الفني، وعن علاقته الخاصة بالإعلامية والفنانة الكبيرة إسعاد يونس، والتي وصفها بأنها لعبت دورًا محوريًا في دعمه وانطلاقه داخل الوسط الفني.
وقال هشام جمال خلال لقاء تلفزيوني سابق :"كان دايمًا بيتقال علي شائعات، وكنت بسكت وبقول عادي، لكن بعد أغنية (ارسم قلب) تحديدًا، لقيت ناس بتسأل: أنا ابن مين؟ وإزاي دخلت المجال؟ الحقيقة مكنش ليا علاقة بأي حد من الوسط، ولا من عيلتي معروف، لكن مدام إسعاد يونس كانت من أول الناس اللي آمنت بيا وهي فعلاً تبنتني فنيًا".
وتابع هشام جمال كاشفًا:“لما بدأت، مكنتش لسه بقيت منتج، كنت عندي 16 سنة، ومدام إسعاد كانت بتاخدني أحضر عروض داخل الشركة العربية وسط مدربي الأقسام، كانت تقوللي: انت فين؟ عندك جامعة؟ عايزاك تيجي تحضر عرض فيلم كذا كنت مبسوط جدًا، لأنني كنت صغير وسط ناس كبار، وكنت بحب السينما جدًا".
وأوضح هشام جمال أن دور إسعاد يونس لم يقتصر على الدعم المعنوي، بل إنها منحت له مساحة للتعبير عن رأيه الفني، بل وتبنت أفكاره أيضًا، مضيفًا:“كانت تقولي: هشام، رأيك إيه؟ وكنت أقول رأيي من وجهة نظر جيلي، وكنت ألاقيها بتنفذ اللي قلته وده اداني ثقة في نفسي، رغم إن في ناس اتضايقت وقالوا: مين الطفل اللي بتسمعي له؟ لكن ده حببني فيها أكتر".
وأشار هشام جمال إلى أن علاقتهما تطورت، حتى عرضت عليه الشراكة في تأسيس شركة موسيقى موضحًا:“قالتلي لما دخلت عليا أول مرة حسيت إن عيني بتنط ذكاء، وبعتتلي لما عملت شركة الموسيقى عشان أشاركها وده شرف كبير ليا، وأنا فخور إنهم بيقولوا عليّ إن أنا ابنها".