وائل جسار: "غريبة الناس” أغنية لا تموت (خاص)
أعرب النجم اللبناني وائل جسار عن سعادته الكبيرة بعودة أغنيته الشهيرة “غريبة الناس” إلى قوائم بيلبورد العالمية وذلك بعد 17 عامًا من إصدارها قائلًا: "يعني طبعًا غريبة الناس أغنية الحمد لله ما بتموت من 2009 ولغاية اليوم دايمًا الناس بتطلبها في حفلاتي وبيغنوها بحب لكن إن بعد 17 سنة ترجع تتريند، أكيد ده لفتني وأسعدني جدًا، وبشكر كل الناس اللي خلت الأغنية تعيش من جديد".
وتابع وائل جسار:"يمكن كمان اللي ساعد في ده هو الموسيقى التركية اللي ارتبطت بيها مؤخرًا.. وده نجاح كبير، والحمد لله على كل حاجة، بشكر ربي على ده".
و تحدث وائل جسار في تصريح خاص لـ"وشوشة" عن التشابه الذي لاحظه الجمهور بين الأغنية وأخرى تركية شهيرة انتشرت مؤخرًا عبر تيك توك، حيث قال :" ما في شك إن الأغنية رائعة جدًا، هي أغنية لكل زمان، وكمان الكليب اللي اتعمل وقتها كانت فكرته مؤثرة جدًا، وكتير من الناس حضروا الكليب وتأثروا بيه، فالموضوع كان واضح وقوي ومش محتاج أرجع أتكلم فيه تاني".
وفيما يتعلق بإمكانية التعاون مع فنانين شباب أو مؤثرين على السوشيال ميديا بعد هذا النجاح المفاجئ، تحدث وائل جسار:"ما عندي أي مشكلة في التعاون مع فنانين شباب أو مؤثرين بالعكس، إحنا دلوقتي في زمن السوشيال ميديا، والجيل الجديد فاهم جدًا في ده، وأنا بحب أكون دايمًا قريب من الأجيال الجديدة وبتواصل معهم باستمرار".
واختتم وائل جسار حديثه برسالة مؤثرة وجهها لجمهوره الجديد الذي تعرّف على “غريبة الناس"للمرة الأولى من خلال تيك توك:"حابب أقول للجيل ده إننا بنقدم فن أصيل وراقي، وده اللي لازم يستمر. الفن رسالة، وأنا سعيد إن رسالتي وصلت ليهم حتى بعد كل السنين دي".