حنان سليمان لـ وشوشة: زينة تلقائية واستمتعت بالشغل معاها في “الشيطان شاطر”
عبرت الفنانة حنان سليمان عن سعادتها بالمشاركة في فيلم “الشيطان شاطر”، الذي يجمعها بالفنانة زينة والفنان أحمد عيد، مشيرة إلى أن توقيت التصوير لم يكن عائقًا بالنسبة لها، بعكس ما يواجهه أبطال العمل أحيانًا من صعوبات في تنسيق المواعيد.
وقالت حنان سليمان، في تصريح خاص لـ"وشوشة": “كنا لسه بنتكلم عن الفيلم في الفترة الأخيرة، لكن مسلسل 220 يومًا كنا متفقين عليه من قبل رمضان مش دايمًا الأعمال بتتعمل في نفس التوقيت، بالعكس، بيبقى عندي وقت فاضي كتير، وعادةً الصعوبة بتكون على البطل، لأنه بيكون مرتبط بأكتر من حاجة في نفس الوقت”.
وتحدثت عن تجربتها في العمل مع الفنانة زينة، قائلة: “كنت مبسوطة جدًا بالشغل معاها، هي إنسانة لطيفة جدًا وعندها تلقائية حقيقية في الأداء وده بصراحة ميزة كبيرة، لأنها رغم كل الخبرة والنجومية اللي عندها، لسه محافظة على التلقائية دي، وده بيخلي أداءها طبيعي وواصل للناس”.
واختتمت سليمان حديثها بالإشارة إلى نوعية الأعمال التي تفضلها في الوقت الحالي، حيث قالت: “أنا دلوقتي بحب أشتغل في المسلسلات أكتر، بحس إن الدراما بتقربني من الجمهور والسينما طبعًا ليها وضع خاص وليها هيبتها، بس المسلسلات خلتني متواجدة بشكل مستمر، وده اللي بيديني رضا أكبر”.