حنان سليمان لـ"وشوشة": دوري في “220 يومًا” مختلف تمامًا.. والدراما قريبة من قلبي
كشفت الفنانة حنان سليمان في تصريح خاص عن سعادتها بالمشاركة في مسلسل “220 يومًا”، مؤكدة أن الشخصية التي تقدمها مختلفة تمامًا عن كل أدوارها السابقة، وأن العمل جذبها من أول لحظة قرأت فيها السيناريو.
وقالت حنان سليمان، في تصريح خاص لـ"وشوشة": “أنا أول حاجة ببص عليها في أي مسلسل هي مين المخرج، وبعد كده بقرأ الورق كويس جدًا، ولما قريت سيناريو 220 يومًا حسيت إن الدور مختلف تمامًا عن كل اللي قدمته قبل كده، وده شجعني أشارك”.
وعن تفضيلها بين السينما والدراما، أوضحت حنان: “بصراحة أنا بحب أشتغل في المسلسلات أكتر دلوقتي، زمان كنت أفضل السينما، بس مع الوقت لقيت إن الدراما بقت أقرب لقلبي، والسينما طبعًا ليها هيبتها وبرستيجها، بس التواجد المستمر بيكون أكتر من خلال الدراما".