حمو بيكا يروج لأحدث أعماله الغنائية.. بهذه الطريقة
يستعد المطرب حمو بيكا لطرح أحدث أعماله الغنائية، وذلك عبر قناته الرسمية على موقع "يوتيوب" وجميع المنصات الرقمية.
وشارك حمو بيكا جمهوره بمقطع من أغنيته الجديدة عبر حسابه الرسمي على موقع "إنستغرام"، وعلّق قائلًا: "بنجور عليكم يا زملاتي، قريبًا على جميع المنصات الكليب الجديد".
وفي سياق متصل، دعم مؤدي المهرجانات حمو بيكا المطرب حسن شاكوش، وذلك بعد انتشار فيديو يظهر تعرضه للتنمر بسبب تعب صوته، من خلال منشور عبر حسابه الرسمي على موقع "فيسبوك".
وعلّق قائلًا: "من فضلكم لازم تسمعوا، ولا للتنمر! اللي بيهزر وبيسخر من حسن شاكوش عشان صوته تعبان، أحب أقولكم حاجة: الرجولة مش بس صوت، الرجولة مواقف، وصمود، وشغل، وتعب، وشقى عشان توصل!".
وتابع حديثه قائلًا: "شاكوش أخويا، وصاحبي، عشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف… ده قوة قلب ومعدن أصيل!".
واختتم حديثه قائلًا: "المطرب الحقيقي مش اللي صوته حلو وهو مرتاح، المطرب الحقيقي هو اللي بيغني من قلبه حتى لو صوته مجهد، وبيفرّح الناس حتى لو هو موجوع! الناس اللي قاعدة ورا الكيبورد وبتسخر؟ ولا واحد فيهم يقدر يوقف دقيقة مكان الراجل ده في حياته! أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها!".