معاك لآخر نفس.. حمو بيكا يدعم شاكوش بهذه الطريقة بعد التنمر على صوته
دعم مؤدي المهرجانات حمو بيكا، المطرب حسن شاكوش، وذلك بعد انتشار فيديو التنمر عليه بسبب تعب صوته من خلال منشورا عبر حسابه الشخصي على موقع "فيسبوك ".
كتب حمو بيكا :'من فضلكم لازم تسمعو ولا للتنمر اللي بيهزر وبيتريق على حسن شاكوش عشان صوته تعبان، أحب أقولكم حاجة الرجولة مش بس صوت، الرجولة مواقف وصمود وشغل وتعب وشقى عشان يوصل!.
تابع قائلا:' شاكوش أخويا، صاحبي، عشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف… ده قوة قلب ومعدن أصيل!.
واختتم حديثه :' المطرب الحقيقي مش اللي صوته حلو وهو مرتاح المطرب الحقيقي هو اللي بيغني من قلبه حتى لو صوته مجهد وبيفرّح الناس حتى لو هو موجوع! الناس اللي قاعدة ورا الكيبورد تتريق؟ ولا واحد فيهم يقدر يوقف دقيقة مكان الراجل ده في حياته! أنا واقف معاك يا شاكوش لآخر نفس وكلنا عارفين إنك راجع أقوى، وده وعد من حمو بيكا قدام الدنيا كلها!.